ކޮވިޑް19 ފެނިފައިވުމާއި ގުޅިގެން ރާއްޖެ ޔެލޯ އެލާޓުގެ ހާލަތުގައި އޮތުމުން ބައެއް މިނިސްޓްރީތަކުން ދެމުން ގެންދާ ހިދުމަތްތައް އޮންލައިން ކޮށްފިއެވެ.
އެގޮތުން ފިނޭންސް މިނިސްޓްރީ އަދި އިކޮނޮމިކް މިނިސްޓްރީން ވަނީ އެ ދެ މިނިސްޓްރީން ދެމުން ގެންދާ ހިދުމަތްތައް އޮންލައިން ކޮށްފައެވެ. އިކޮނޮމިކް މިނިސްޓްރީން ވަނީ އެގޮތުން އެ މިނިސްޓްރީގެ ބޮޑުތަކުރުފާނު މަގުގައި ހުންނަ އޮފީހުން ފޯރުކޮށްދޭ ހިދުމަތްތަކުގެ ތެރެއިން މިނެކިރާ ތަކެތީގައި ކައްޓާ ޖެހުމާއި ސިޓީފަދަ ތަކެތި ބަލައިގަތުން ފިޔަވައި އެހެން ހުރިހާ ހިދުމަތެއް އޮންލައިން ނުވަތަ އީމެއިލް މެދުވެރިކޮށް ކުރާ ގޮތަށް ވަނީ ބަދަލުކޮށްފައެވެ. މީގެ އިތުރުން އެ މިނިސްޓްރީގެ ލޭބާ ސެކްޝަނުން ފޯރުކޮށްދޭ ހުރިހާ ހިދުމަތްތެއް ވެސް އޮންލައިންކޮށް ދޭ ގޮތަށް ވަނީ ބަދަލުކޮށްފައެވެ.
ފިނޭންސް މިނިސްޓްރީން ވެސް ވަނީ މިއަދުން ފެށިގެން ފިނޭންސް މިނިސްޓްރީއަށް ފޮނުވާ ސިޓީ ފަދަ ތަކެތި އޮންލައިންކޮށް ބަލައިގަތުމަށް އެ މިނިސްޓްރީން ވެސް ވަނީ ނިންމާފައެވެ.
ރާއްޖެއިން ކޮވިޑް19 ފެނިފައިވުމާއި ގުޅިގެން ސަރުކާރު ބައެއް ކުންފުނިތަކާއި އަދި އަމިއްލަ ބައެއް ކުންފުނިތަކުން ވެސް އަންނަނީ ދެމުން ގެންދާ ގިނަ ހިދުމަތްތައް އޮންލައިންކޮށް ދެމުންނެނެވެ.