އއ. މާޅޮހުގައި ހުންނަ މަސް ފެކްޓްރީގައި އަލިފާނުގެ ހާދިސާއެއް ހިނގައިފިއެވެ.
ފުލުހުން ބުނީ އެ ހާދިސާ ހިނގައިގެން އުޅޭ ކަމުގެ ރިޕޯޓް މިއަދު ހެނދުނު 06:45ގައި ރިޕޯޓްކޮށްފައިވާ ކަަމަށެވެ. ރޯވި އަލިފާންގަނޑު ކޮންޓްރޯލް ކުރެވިފައިވާ ކަމަށް ވެސް ފުލުހުން ބުންޏެވެ.
ފުލުހުން ބުނީ މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށެވެ. މި ހާދިސާގައި ފެކްޓްރީއަށް ލިބުނު ގެއްލުމެއް ފުލުހުން ހާމައެއް ނުކުރެއެވެ.
އެ މައްސަލަ ފުލުހުން މިހާރު ދަނީ އިތުރަށް ތަހުގީގް ކުރަމުންނެވެ.