ސްރީލަންކަން އެއާލައިންސްގެ ދަތުރުތައް ރާއްޖެއަށް ވަގުތީ ގޮތުން ހުއްޓާލަން ނިންމައިފިއެވެ.
ސްރީލަންކަން އިން މިއަދު ބުނީ ކޮވިޑް-19 އާއި ގުޅިގެން ވެރިރަށް ކޮލޮމްބޯގެ އެއާޕޯޓު ބަންދުކުރުމަށް ނިންމާފައިވާތީ ދަތުރުތައް މެދުކަނޑާލަން ނިންމާފައިވަނީ މާދަމާ އިން ފެށިގެން މި މަހުގެ 25 ގެ ނިޔަލަށް ކަމަށެވެ.
އިއްޔެ އިން ފެށިގެން ވައިގެ މަގުން ސްރީލަންކާ އަށް މީހުން އެތެރެވުން އެގައުމުން ސަރުކާރުން ވަނީ ނިންމާފައެވެ. ލަންކާ އަށް މީހުން އެތެރެވުން މަނާކޮށްފައިވަނީ ދެ ހަފްތާގެ މުއްދަތަކަށެވެ.
ކޮވިޑް19 ލަންކާ އިން ފެނުމާއި ގުޅިގެން އެގައުމުން ވަނީ މިދިޔަ ހަފްތާގައި އޮންއެރައިވަލް ވިސާ ދިނުން ވެސް ހުއްޓާލަައިފަ އެވެ.
ލަންކާގައި މިހާތަނަށް ވަނީ 40 އަށް ވުރެ ގިނަ މީހުން މި ބައްޔަށް ޕޮޒިޓިވް ވެފައެވެ.
ލަންކާ އިން މިފަދަ ފިޔަވަޅެއް އަޅާފައިވާއިރު، ލަންކާ އަކީ ގިނަ އަދަދެއްގެ ދިވެހިން ދަތުރުކުރާ ގައުމެކެވެ.