ސިނަމަން ހަކުރާހުރާއިން ކޮވިޑް-19 އަށް ޝައްކުވި މީހެއްގެ ސާމްޕަލް ނަގާފައިވާ އިރު މި ކޭސް އާއި ގުޅިގެން ގިނަ ބަޔަކު އެކަހެރިކޮށްފައިވާ ކަމަށް ސަރުކާރުން ބުނެފިއެވެ.
ދަރުބާރުގޭގައި މިއަދު މެންދުރު ބޭއްވި ނޫސް ކޮންފަރެންސުގައި މަބްރޫކު އަޒީޒު ވިދާޅުވީ ސިނަމަން ހަކުރާހުރާއިން ބައްޔަށް ޝައްކު ކުރެވިގެން ސާމްޕަލް ނެގި މީހާގެ ނަތީޖާ ނުލިބޭކަމަށެވެ. ނަމަވެސް މި ކޭސް އާއި ގުޅިގެން ކަސްޓަމްސް އާއި އިމިގްރޭޝަން އަދި ޓީއެމްއޭ އަދި އެއާޕޯޓުސް ކޮމްޕެނީން ގިނަ ބަޔަކު އެކަހެރިކޮށްފައިވާ ކަމަށެވެ.
މަބްރޫކު ވިދާޅުވީ މި ކޭސް އާއި ގުޅިގެން ކަސްޓަމްސްގެ 17 މުވައްޒަފަކާއި ، އެމްއޭސީއެލްގެ 41 މުވައްޒަފަކާއި އިމިގްރޭޝަންގެ މުވައްޒަފެއްގެ އިތުރުން ޓީއެމްއޭގެ ތިން ސްޓާފަކު ވަނީ އެކަހެރި ކުރެވިފައެވެ.
އަދި މީގެ އިތުރުން މި މަހުގެ 20 ވަނަ ދުވަހު މާލެ އައި މީހަކާ ގުޅިގެން ޓެސްޓް ހެދި އޭނާ ވަނީ އައިސޮލޭޓް ކުރެވިފައިިކަމަށް މަބްރޫކު ވިދާޅުވިއެވެ.
ތަފްސީލް އަންނަނީ…