ދުނިޔޭގައި ހަލުވިކަމާއި އެކުގައި މިހާރު ފެތުރެމުން އަންނަ ކޮވިޑް19 އަށް ރާއްޖެއިން ޝައްކު ކުރެވޭ އަލާމާތްތަކެއް ހުރެގެން ހަތަރު ރިސޯޓަކުން ނެގި ސާމްޕަލްތައް ސާމްޕަލްތައް ނެގެޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ކުރި ޓްވީޓެއްގައި ބުނީ ކޮވިޑް19 އަށް ޝައްކުކުރެވޭ އަލާމާތްތައް ހުރެގެން ސިނަމަން ހަކުރާ ހުރާ، ސޭންޑީޒް ބަތަލާ، އަނަންތަރާ ދިގު އަދި ކޮލަބް މެޑް ކަނިފޮނިޅުން ނެގި ސާމްޕަލްތަކުގެ ޓެސްޓުގެ ނަތީޖާ ނެގެޓިވް ވެފައިވާތީ އެ ރަށްތަކާއި އުޅަނދު މޮނިޓަރިންގެ ހާލަތުން ނަގާފައިވާ ކަމަށެވެ.
ސިނަމަން ހަކުރާ އަކީ މިހާތަނަށް އެންމެ ގިނަ މީހުން މި ބައްޔާއި ގުޅިގެން އެއްފަހަރާ އެކަހެރި ކުރި ރަށެވެ.
https://twitter.com/HPA_MV/status/1242106773307150336?s=20
ދަރުބާރުގޭގައި މިއަދު މެންދުރު ބޭއްވި ނޫސް ކޮންފަރެންސުގައި މަބްރޫކު އަޒީޒު ވިދާޅުވީ ސިނަމަން ހަކުރާހުރާއިން ބައްޔަށް ޝައްކު ކުރެވިގެން ސާމްޕަލް ނެގި މީހާގެ ނަތީޖާ ނުލިބޭކަމަށެވެ. ނަމަވެސް މި ކޭސް އާއި ގުޅިގެން ކަސްޓަމްސް އާއި އިމިގްރޭޝަން އަދި ޓީއެމްއޭ އަދި އެއާޕޯޓުސް ކޮމްޕެނީން ގިނަ ބަޔަކު އެކަހެރިކޮށްފައިވާ ކަމަށެވެ.
މަބްރޫކު ވިދާޅުވީ މި ކޭސް އާއި ގުޅިގެން ކަސްޓަމްސްގެ 17 މުވައްޒަފަކާއި ، އެމްއޭސީއެލްގެ 41 މުވައްޒަފަކާއި އިމިގްރޭޝަންގެ މުވައްޒަފެއްގެ އިތުރުން ޓީއެމްއޭގެ ތިން ސްޓާފަކު ވަނީ އެކަހެރި ކުރެވިފައެވެ.
ކޮވިޑް19 އަށް ރާއްޖެއިން 13 މީހަކު ޕޮޒިޓިވްވެފައިވާއިރު މިހާރު ވަނީ އޭގެތެރެއިން ފަސް މީހަކު މިހާރު ވަނީ އެ ބަލިން ރަނގަޅުވެފައެވެ. އޭގެތެރެއިން ދެ މީހަކު ގެއަށް ދޫކޮށްލާފައިވާ ކަމަށްވެސް ސަރުކާރުން ވަނީ މިއަދު ހާމަކޮށްފައެވެ. ބަލިން ރަނގަޅުވި މީހުންގެ ތެރޭގައި، ޕެރެޑައިސް އައިލެންޑު ރިސޯޓުން ކޮވިޑް19 ޖެހުނު މީހުންގެ ތެރެއިން އެކަކު ހިމެނެއެވެ. އަދި ސޭންޑީޒް ބަތަލާއި އެ ބައްޔަށް ޕޮޒިޓިވްވި ދެމަފިރިން ވެސް އެ ބަލިން މިހާރު ވަނީ ރަނގަޅުވެފައެވެ. ނަމަވެސް އަދި އެ ދެމަފިރިން ދުލެއް ނުކުރެއެވެ.