ޑިރެކްޓަރު ޖެނެރަލް އޮފް ޕަބްލިކް ހެލްތުގެ އެންގުމާއި ހިލާފަށް ފަން އައިލެންޑު ރިސޯޓުން އޮޅުވެލި ބީޗު ރިސޯޓަށް ފަތާފައި ދިޔަ މީހަކު މޫދުގައި އޮއްވާ ފުލުހުން ހައްޔަރުކޮށްފިއެވެ.
ފުލުހުން އޭނާ ހައްޔަރުކޮށްފައި ވަނީ އޮޅުވެލި ބީޗް އެންޑް ސްޕާ ރިސޯޓުގެ މޫދުގައި އޮއްވާ، އޭނާ ހުއްޓުވުމަށް ފަހު އެވެ. ފުލުހުން ބުނީ އޭނާ ހައްޔަރުކޮށް އިތުރަށް ބެލި ބެލުމުން، އޭނާއަކީ ފަން އައިލެންޑް ރިސޯޓްގައި މަސައްކަތް ކުރާ މުވައްޒަފެއްކަން އެނގިފައިވާ ކަމަށާއި އޭނާ އޮޅުވެލި ރިސޯޓަށް ފަތާފައި ދިޔައީ ސިނގިރޭޓެއް ގަންނަން ކަމަށެވެ.
މި މައްސަލާގައި ހައްޔަރުކޮށްފައި ވަނީ 20 އަހަރުގެ ދިވެހި ފިރިހެނެކެވެ. އަދި އޭނާގެ ބަންދާމެދު ގޮތެއް ނިންމަން މިއަދު މާފުށީ މެޖިސްޓްރޭޓް ކޯޓަށް ގެންދިއުމުން، އޭނާގެ ބަންދަށް 15 ދުވަސް ދީފައިވާކަމަށް ފުލުހުން ބުންޏެވެ. އޭނާގެ ބަންދުގެ މުއްދަތު ދީފައި ވަނީ އޭނާގެ ޣައިިރު ހާޒިރުގައެވެ.
މީގެކުރިންވެސް ޑިރެކްޓާ ޖެނެރަލްގެ އަމުރާ ހިލާފަށް ރިސޯޓުތަކުގެ ބައެއް މުވައްޒަފުން އަމަލުކުރުމުން ވަނީ ހައްޔަރުކޮށްފައެވެ.