ކޮވިޑް-19 އަށް ޝައްކު ކުރެވޭ މީހަކު ފެނިގެން ސަފާރީއެއް ލޮކްޑައުންކޮށް ޓެސްޓު ކުރަމުން އަންނަ ކަމަށް ސަރުކާރުން ބުނެފިއެވެ.
ކޮވިޑް-19ގެ ތަރުޖަމާނު މަބްރޫކު އަޒީޒު ވިދާޅުވީ ހުޅުމާލޭ ކައިރީ އޮތް މާހާ ނަމަކަށް ކިޔާ ސަފާރީއަކުން ޝައްކު ކުރެވޭ އަލާމާތްތަކެއް ހުރި މީހަކު ފެނިގެން ޓެސްޓު ކުރަމުން އަންނަ ކަމަށެވެ.
ކޮވިޑް-19 އާއި ގުޅިގެން މިހާތަނަށް ތިން ސަފާރީއެއް ވަނީ ލޮކްޑައުންކޮށްފައެވެ. އެއީ މާހާ ސަފާރީގެ އިތުރުން އައިލެޑް ސަފާރީ އާއި އިކުއޭޓަރ ސަފާރީއެވެ.
މީގެތެރެއިން އައިލެންޑު ސަފާރީން ޝައްކުވި ދެމީހުން ވަނީ ކޮވިޑް-19އަށް ޕޮޒިޓިވްވެފައެވެ.