ރާއްޖެއިން ކޮވިޑް19 ޖެހުނު އިތުރު ދެ މީހަކު ރަނގަޅުވެފައިވާ ކަމަށް ސަރުކާރުން ބުނެފިއެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ޑރ. މުއާޒު މޫސާ ވިދާޅުވީ ކޮވިޑަށް ޓެސްޓު ކުރެވިގެން ޕޮސިޓިވް ވެފަ ތިބި ބަލިމީހުންގެ ތެރެއިން އިރާދަކުރެއްވީތީ މިއަދު އިތުރު ދެ މީހަކު ރަނގަޅުވެފައިވާ ކަމަށެވެ.
މި ބަލިން ރަނގަޅުވި ކަމަށް ބަލަނީ ދެ ފަހަރަށް ޓެސްޓުކޮށް ނަތީޖާ ނެގެޓިވްވުމުންނެވެ.
މި މީހާއާއެކު މި ބައްޔަށް ރާއްޖެއިން ޕޮޒިޓިވްވި 16 މީހުންގެ ތެރެއިން، 11 މީހުން ވަނީ ރަނގަޅުވެފައެވެ. މި ބައްޔަށް މިހާރު ފަރުވާދެމުން އަންނަނީ ތިން މީހަކަށެވެ.
ބަލި ޖެހުނު މީހުންގެ ތެރޭގައި ދިވެއްސަކު ވެސް ހިމެނޭއިރު، އޭނާއާއި ދެން މި ބައްޔަށް ފަރުވާ ހޯދަމުންދާ ބިދޭސީންގެ ހާލުވެސް ރަނގަޅު ކަމަށް ސަރުކާރުން ބުނެއެވެ.
ކޮވިޑް-19 އާއި ގުޅިގެން ރާއްޖޭގައި މިހާރު ވަނީ ވަރުގަދަ ފިޔަވަޅުތަކެއް އަޅާފައެވެ. އެގޮތުން ސަރުކާރާއި ސްކޫލްތައް އިތުރު ހަފްތާއަކަށް ބަންދުކުރަން ނިންމާފައިވާއިރު، އިއްޔެ އިން ފެށިގެން ފެށިގެން ރާއްޖޭން އޮން-އެރައިވަލް ވިސާ ދިނުން ވަނީ ހުއްޓާލާފައެވެ.