އައްޑޫ ސިޓީގެ ދެ ސަރަހައްދެއްގައި ފުލުހުން ސީސީޓީވީ ކެމެރާ ހަރުކޮށްފިއެވެ.
ފުލުހުންގެ ބުނީ މިއަދު ހަރުކުރި ކެމެރާތަކާއެކު މިހާރު އައްޑޫގެ ހަތަރު ސަރަހައްދެއްގައި އަށް ސީސީޓީވީ ކެމެރާ ހުންނާނެ ކަމަށެވެ. މީގެއިތުރުން ކުރިޔަށް އޮތް ދުވަސްތަކުގައި ވެސް ފުލުހުން އެ ސިޓީގައި ސީސީޓީވީ ކެމެރާ ހަރު ކުރަމުން ގެންދާނެ ކަމަށް ފުލުހުން ބުންޏެވެ.
މި މަސައްކަތަކީ 2013ވަނަ އަހަރު އިފްތިތާހް ކުރި މަސައްކަތުގެ ތެރެއިން ހިނގަމުން އަންނަ ކަމެކެވެ. އެގޮތުން މީގެކުރިން ނިންމާފައި އޮތީ އައްޑޫ ސިޓީގެ ފަސް ސަރަހައްދެއްގައި ކެމެރާތައް ހަރު ކުރާ ގޮތަށެވެ.
ފުލުހުން އަންނަނީ އެ އިދާރާއިން ކުރަމުން އަންނަ މަސައްކަތްތަކުގައި ޒަމާނީ ކަންކަން ތައާރަފު ކުރަމުންނެވެ. އަދި ފުލުހުންގެ ހަތިޔާރުތައް ވެސް ޒަމާނީ ކުރުމަށް އަންނަނީ މަސައްކަތް ކުރަމުންނެވެ.