ގިނަ އަދަދެއްގެ ދިވެހިން ދިރިއުޅެމުންދާ އިންޑިއާގެ ޓްރިވެންޑްރަމް އަދި ކޮޗިންގައި ދިރިއުޅޭ ދިވެހިންނަށް، ދިނުމަށް ހަމަޖެހިފައިވާ ކެއާ ޕެކޭޖުތަކާއި އަދި ޓްރިވެންޑްރަމްގައި ތިބި ދިވެހިންގެ ތެރެއިން އެނބުރި ރާއްޖެ އަންނަން ބޭނުންވާ ދިވެހިން ބަލާ މޯލްޑިވިއަންގެ ފްލައިޓު ފުރައިފިއެވެ.
އެ ބޯޓު ފުރީ ރާއްޖެ ގަޑިން މިއަދު ހެނދުނު 10:30ގައެވެ. އަދި އެ ބޯޓުން ރާއްޖެއަށް 150 ދިވެހިން ގެނައުމަށް ވަނީ ހަމަޖެހިފައެވެ. މޯލްޑިވިއަން އިން މީގެކުރިން ވެސް ވަނީ އިންޑިއާގެ ކޮޗިން އިން ރާއްޖެ އަންނަން ބޭނުންވާ ދިވެހިން ގެނައުމަށް ހާއްސަ ފްލައިޓެއް ބާއްވާފައެވެ.
Taking off to Trivandrum to repatriate our nationals. #BringYouHome✈️
And carrying over 150 care packages to Maldivians in #TRV & #COK from their loved ones. #StaySafe #Maldivian pic.twitter.com/scmg04MCiA
— Maldivian (@MaldivianAero) April 11, 2020
މީގެއިތުރުން އެ އެއާލައިނުން ވަނީ ލަންކާ އަދި މެލޭޝިޔާގައި ތިބި ދިވެހިންގެ ތެރެއިން ރާއްޖެ އެނބުރި އަންނަން ބޭނުންވާ ދިވެހިންގެ ތެރެއިން އެތައް ދިވެހިންނެއް އެނބުރި ރާއްޖެ ގެނެސްދީފައެވެ. އަދި އެއިން ކޮންމެ ފްލައިޓެއްގައި އެގައުމުތަކުގައި ދިރިއުޅޭ ދިވެހި އާއިލާތަކަށް ކެއާ ޕެކޭޖުތައް ވެސް ވަނީ ފޮނުވާފައެވެ.
ރާއްޖެއިން ބޭރުގައި ތިބި ދިވެހިން އެނބުރި ރާއްޖެ އައުމުން 14 ދުވަހުގެ ކަރަންޓީނަކަށް ގެންދާނެއެވެ.