ކޮވިޑް19 ގެ ސަބަބުން އިންޑިއާގެ ޓްރިވެންޑްރަމްގައި ތާށިވި 207 ދިވެއްސަކު މޯލްޑިވިއަންގެ އެހީތެރިކަމާއި އެކުގައި މިއަދު ރާއްޖެ ގެނެސްފިއެވެ.
މި ހުރިހާ އެންމެން ވެސް ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ އުސޫލުތަކާއި އެއްގޮތަށް 14 ދުވަހުގެ ކަރަންޓީނަކަށް ގެންދާނެއެވެ. މޯލްޑިވިއަން އިން ވަނީ އިންޑިއާގެ ޓްރިވެންޑްރަމްގައި ތިބި ދިވެހިންގެ އިތުރުން ކޮޗިންގައި ތިބި 183 ދިވެއްސަކު ވެސް ރާއްޖެ ގެނެސްދީފައެވެ. މުޅި ޖުމްލަ މިހާތަނަށް 390 ދިވެއްސަކު އިންޑިއާގައި ތިބި ވަނީ ގެނެސްފައެވެ.
އިންޑިއާގެ އިތުރުން އަވަށްޓެރި ސްރީލަންކާގައި ތިބި 100އަށްވުރެ ދިވެހިން ރާއްޖެ ގެނެސްފައިވާއިރު މެލޭޝިޔާގައި ތިބި ދިވެހިންގެ ތެރެއިން 197 ދިވެއްސަކު ވަނީ ރާއްޖެ ގެނެސްފައެވެ.
އިންޑިއާގެ ޓްރިވެންޑްރަމްގައި ތިބި 207 ދިވެއްސަކު ރާއްޖެ ގެނެސްފައިވާއިރު ޓްރިވެންޑްރަމްގައި ދިރިއުޅޭ ދިވެހިން އާއިލާތަކަށް 150 ކެއާ ޕެކޭޖް ކާގޯ ވެސް ވަނީ މޯލްޑިވިއަންގެ އެހީއާ އެކުގައި ފޮނުވާފައެވެ.