މާލެ ސަރަހައްދުގައި ތޮށްޖެހިފައިވާ ތަންތަނުގައި ދިރިއުޅޭ ބިދޭސީން އެމީހުންނަށް ހާއްސަ ފެސިލިޓީއަކަށް ބަދަލުކުރުމުގެ މަސައްކަތް މިއަދު ފަށައިފި އެވެ.
މި މަސައްކަތް ކުރިއަށް ގެންދަނީ އެމްއެންޑީއެފް، ފުލުހުންނާއި، އެޗްޕީއޭ، އެޗްޑީސީގެ އިތުރުން މާލޭ ސިޓީ ކައުންސިލުން ވެގެން ނެވެ. މިކަމާއި ގުޅިގެން މިއަދު އިމިގްރޭޝަނުން ބުނީ އެ ބިދޭސީން ތިބުމަށް ހަމަޖައްސާފައިވަނީ ތިބޭނީ އެޗްޑީސީއިން ހުޅުމާލޭގައި ހަމަޖައްސާފައިވާ ހާއްސަ ފެސިލިޓީއެއްގައި ކަމަށެވެ.
އެ ބިދޭސީން ވަގުތީ ފެސިލިޓީއަކަށް ބަދަލުކުރުމަށް އެ ފެސިލިޓީއަށް ގެންގޮސް ރެޖިސްޓްރީ ކުރުމުގެ މަސައްކަތް މިހާރުވެސް ކުރިއަށްގެންދެއެވެ. އިމިގްރޭޝަނުން ބުނީ އެ ފެޗިލިޓިުގައި ދިރިއުޅޭ ބިދޭސީންގެ ކަންކަން ބަލަމުން ގެނމްދާނީ އެޗްޑިސީއިން ކަމަށެވެ.
އިމިގްރޭޝަނުން ބުނީ ގަވާއިދާ ހިލާފަށް ދިރިއުޅޭ ބިދޭސީއެއް އެ ފެސިލިޓީއަށް ގެންދާނެ ކަމަށެވެ. އަދި އިކޮނޮމިކް މިިނިސްޓްރީގެ ރެގިއުލަރައިޒޭޝަން ޕްރޮގްރާމްގެ ދަށުން ގަވާއިދާ ހިލާފަށް ތިބި ބިދޭސީން ގާނޫނުގެ ތެރެއަށް ވަނުމުގެ ފުރުސަތު ލިބިގެންދާނެ ކަމަށްވެސް އިމިގްރޭޝަނުން ބުންޏެވެ.