ކޮވިޑް-19 ޖެހުނު މީހުންގެ އަދަދު ރޭ 2 މިލިއަނަށް އަރައިފިއެވެ.
މިވަގުތު އެންމެ ހަލުވިކަމާއެކު މިވައިރަސް ފެތުރެމުން އަންނަނީ އެމެރިކާގައެވެ. އެމެރިކާގައި މިހާރު 614،180 މީހުން ވައިރަހަށް ޕޮސިޓިވް ވެފައިވާއިރު 26،061 މީހަކު ވަނީ މިބަލީގައި މަރުވެފައެވެ.
މިއަދު ހެނދުނު މާލެއިން ކޮވިޑް-19 އަށް ޕޮސިޓިވްވި މީހަކު ފެނިފައިވާއިރު އެޗްޕީއޭ އިން ވަނީ އެމީހާ އެކަހެރި ކުރުމުގެ މަސައްކަތް މިހާރު ފަށާފައެވެ.
ކޮވިޑް ޖެހުނު މީހުންގެ އަދަދު 2 މިލިއަނަށް އަރާފައިވާއިރު މަރުވެފައިވާ މީހުންގެ އަދަދު ވަނީ މުޅި ދުނިޔެއިން 126،681 އަށް އަރާފައެވެ.