ކުރުގާ ގޯދިއްޔާ ފުޓްސަލްގެ ކުއާޓާ ފައިނަލްގެ ފުރަތަމަ މެޗްގައި ފޭދޫ ޔޫތު ކޮމިއުނިޓީ (އެފްވައިސީ) އާއި އަބާނީ ބައްދަލު ކުރި މެޗް 10-1 ލަނޑުން އެފްވައިސީ މޮޅުވެ މުބާރާތުގެ ސެމީއަށް ދަތުރުކޮށްފި އެވެ.
ރޭގެ މެޗްގައި އެފްވައިސީއަށް ލަނޑުޖަހައި ދިނީ ޠާހާ މުހައްމަދު، ރައްފާން އަބްދުﷲ، އަލީ ޝިފާއު، މުހައްމަދު މަމްނޫން އަދި ހުސެއިން ގައްސާމް ލަބީބް އެވެ.
ތާހާ 4 ގޯލް ޖެހި އިރު ރައްފާން އާއި މަމްނޫން ވަނީ 2 ގޯލް ޖަހާފައެވެ. މޮޅު ކުޅުންތެރިއަކީ ޠާހާ މުހައްމަދު އެވެ.
ރޭގެ ކުއާޓަރ ދެވަނަ މެޗްގައި ހިތަދޫ މަލްޓި ޖީނިއަސް އާއި މަރަދޫ ޒިލޮޓް ބައްދަލު ކުރި މެޗް 5-1 ލަނޑުން ޒިލޮޓް ވެސް ވަނީ ސެމީއަށް ގޮސްފަ އެވެ.
ޒިލޮޓް އަށް ލަނޑުޖަހައިދިނީ މުހައްމަދު އިމްރާން އާއި އިބްރާހިމް ރިޒުވާންގެ އިތުރުން އަހުމަދު ވިސާލްއެވެ. ރިޒްވާން އާއި އިމްރާން ވަނީ 2 ގޯލް ސްކޯ ކޮށްފައެވެ. މޮޅު ކުޅުންތެރިއަކީ ވިސާލް އެވެ.
މިރޭ ކުޅޭ ކުއާޓަރ ފައިނަލްގެ ފަހުމެޗްތަކުގެ ތެރެއިން ފުރަތަމަ މެޗްގައި ބައްދަލުކުރާނީ ޝަންގްރިއްލާ އަދި ފްރެންޑްސް ކްލަބެވެ. ދެވަނަ މެޗްގައި ބައްދަލު ކުރާނީ ޒިލޯން އަދި ހަބޭސް އެވެ.