ނައިޖީރިޔާގެ ރައީސް މުހައްމަދު ބުހާރީގެ ޗީފް އޮފް ސްޓާފް، އައްބާ ޚްޔާރީ ކޯވިޑް-19 ޖެހިގެން މިއަދު މަރުވެއްޖެއެވެ.
އެ ގޮތުން ނައިޖީރިޔާގެ ރައީސް ނެރުއްވި ބަޔާނެއްގައި ވިދާޅުވެފައިވަނީ " އެފްރިކާގެ އެންމެ އާބާދީ ބޮޑު ޤައުމުގެ ގޭޓްކީޕަރެއް ކަމުގައި ވާ އައްބާ ޚްޔާރީ މަރުވކަން ހިތާމައާއި އެކު އިއުލާން ކުރާ" ކަމަށެވެ. އަދި "އޭނާ މަރުވީ ނުރައްކާތެރި ކޯވިޑް-19އަށް ޕޮޒިޓިވްވެ، ފަރުވާ ހޯދަމުން ދަނިކޮށް، 17 އޭޕްރިލް، 2020 ވީ ހުކުރު ދުވަހު" ކަމަށްވެސް އެބަޔާނުގައި ވެއެވެ.
70ގެ އަހަރުތަށް ގުނަމުން ދިޔަ ޚްޔާރީ މަރުވެފައިވާއިރު ނައިޖީރިއާ ސެންޓަރ ފޯރ ޑިޒީޒް ކޮންޓްރޯލް މައުލޫމާތު ދޭގޮތުން، މިހާތަނަށް އެގައުމުން 493 މީހުންނަށް ކޯވިޑް-19 ޖެހި، 17 މީހުން ވަނީ މަރުވެފައެވެ.
ރައީސް ބުޚާރީގެ އެންމެ ގާތް ބޭފުޅުންތެރޭގައި ހިމެނުނު ޚްޔާރީ މަރުވިއިރު ކޯވިޑް-19 ޖެހުނު އިރު ހުރި އެހެން ސިއްޙީ މައްސަލަތަކުގެ ސަބަބުން ކަމަށް މީޑިއާތަކުގައި ރިޕޯޓުކޮށްފައިވެއެވެ.
ޚްޔާރީއަށް ކޯވިޑް-19 ޖެހުނީ މާރޗު މަހުގެ ތެރޭގައި ޖަރުމަނަށް ޒިޔާރަތް ކުރުމަށްފަހުކަމަށްވެއެވެ.