ކުރުގާ ގޯދިއްޔާ ފުޓްސަލްގެ ސެމީގެ ފަހު ދެ ޖާގަ ޝަންގްރިއްލާ އަދި ޒިލޯން އިން ކަށަވަރުކޮށްފި އެވެ.
ރޭގެ ކުއާޓާ ފައިނަލްގެ ފުރަތަމަ މެޗްގައި ޝަންގްރިއްލާ ޔުނައިޓެޑް އާއި ފްރަންޑްސް ކްލަބް ބައްދަލު ކުރި މެޗް 2-1 ލަނޑުން ކާމިޔާބް ކުރީ ޝަންގްރިއްލާއިންނެވެ.
ޝަންގްރިއްލާއަށް ލަނޑު ޖަހައިދިނީ މުހައްމަދު ތިލްމީޒު (ބިއްޑޭ) އާއި އަހުމަދު ޝާފިއު (ޝާޓީ)އެވެ. ފްރެންޑްސް ކްލަބްގެ ހަމައެކަނި ލަނޑު ޖެހީ މުހައްމަދު ރިއްފަތު އެވެ. މެޗްގެ މޮޅު ކުޅުންތެރިއަކީ ޝަންގްރިއްލާގެ އިބްރާހިމް ޖުނާހު އެވެ.
ރޭގެ ކުއާޓަ ފަހު މެޗްގައި ހަބޭސް އާއި ޒިލޯން ބައްދަލުކުރި މެޗް 2-2 ލަނޑުން އެއްވަރުވެގެން ނަތީޖާ ނެރެފައި ވަނީ ޕެނަލްޓީ ޝޫޓް އައުޓްގައި 7-6 ލަނޑުންނެވެ.
ރޭގެ މެޗްގައި ފުރަތަމަ ދެ ގޯލް ޖަހައި ލީޑް ނެގީ ޒިލޯންއެވެ. ޒިލޯންގެ 2 ލަނޑު ވެސް ޖަހައިދިނީ އަބްދުﷲ ޝައްފާން އެވެ.
ހަބޭސްއަށް ލަނޑު ޖަހައިދިނީ މަހުދީ ހުސެއިން އާއި އަހުމަދު މުއާޒް އެވެ.
ސެމީގެ މެޗްތައް ފެށުމަށް ހަމަޖެހިފައި ވަނީ އަންނަ އާދީއްތަ ދުވަހުގެ ރެ އެވެ. ފައިނަލް މެޗް ކުޅޭނީ އޮގަސްޓް 7 ވަނަ ދުވަހުގެ ރެ އެވެ.