ކޮވިޑް19 އަށް މާލެއިން ޕޮޒިޓިވްވި މީހަކާއި ކޮންޓެކްޓުވި މީހެއް ހއ. އުލިގަމުގައި ހުރުމުން އެރަށް މޮނީޓަރިންގެ ހާލަތަކަށް ގެނެސްފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން މިކަމުގެ މައުލޫމާތު ރަސްމީކޮށް ހިއްސާ ނުކުރި ނަމަވެސް އެ އެޖެންސީގެ އިސް އޮފިޝަލަކު "އައްޑޫލައިވް" އަށް ދާދި ދެންމެއަކު އެކަންވަނީ ކަށަވަރު ކޮށްދީފައެވެ.
އެމީހާގެ އެއް ސާމްޕަލް ވެސް ވަނީ ނަގާފައެވެ. އޮފިޝަލް މިއަދު ވިދާޅުވީ އެމީހާގެ ގައިން ކޮރޯނާ ވައިރަސް ހުރިތޯ ޓެސްޓެއް ހަދާފައިވާ ކަމަށެވެ. އެ ޓެސްޓުގެ ނަތީޖާއިން އޭނާ ޕޮޒިޓިވްވެފައިވާ ކަމަށެވެ. ކޮވިޑް19 އަށް އެމީހާ ޓެސްޓު ކުރަމުން އަންނަ ކަމަށެވެ.
މުޅި ޖުމްލަ ރާއްޖެއިން މިހާތަނަށް 51 މީހަކަށް މި ބަލި ވަނީ ޖެހިފައެވެ. މިއަދު އެކަނިވެސް މާލެ އިން 16 މީހަކަށް މިބަލި ޖެހިފައިވާއިރު ގިނައީން ބަންގްލަދޭޝްގެ ރައްޔިތުންނެވެ. އެގޮތުން ބަންގްލަދޭޝްގެ 14 މީހަކަށް މިބަލި ވަނީ ޖެހިފައެވެ. އަދި އިންޑިޔާގެ ދެ ރައްޔިތަކަށްވެސް މި ބަލި ޖެހިފައިވެއެވެ.