މާލެއިން ބަންގްލަދޭޝް އަށް ނިސްބަތްވާ މީހަކު އަނެއްކާވެސް ކޮވިޑް19 އަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ބަންގްލަދޭޝް އަށް ނިސްބަތްވާ މީހަކު ކޮވިޑް19 އަށް ޓެސްޓު ކުރުމުން އޭނާގެ ނަތީޖާ ޕޮޒިޓިވްވެފައިވާ ކަމަށެވެ. މި މީހާއާ އެކު މާލެއިން މި ބައްޔަށް ޕޮޒިޓިވްވި މީހުންގެ ޖުމްލަ އަދަދު ވަނީ 63އަށް އަރާފައެވެ.
މާލެއިން މިއަދު ވަނީ މީގެކުރިން 13 މީހަކު ޕޮޒިޓިވްވެފައެވެ. އޭގެތެރޭގައިވެސް ބަންގްލަދޭޝް ފަސް މީހަކު ހިމެނެއެވެ. އަދި ދިވެހިންގެ ތެރެއިން 8 މީހަކުވެސް ހިމެނެއެވެ.
މިއަދު ފަހުން ޕޮޒިޓިވްވި ބަންގްލަދޭޝް މީހާއާ އެކުގައި މުޅި ރާއްޖެއިން ކޮވިޑް19 ޖެހުނު މީހުންގެ އަދަދު 83 އަށް މިވަނީ އަރާފައެވެ. މީގެތެރެއިން މިއަދު ޕޮޒިޓިވްވި 80 އަހަރުގެ މީހާ މިހާރު ވަނީ އިތުރު ފަރުވާއަށް ދަރުމަވަންތަ ހޮސްޕިޓަލަށް ބަދަލުކޮށްފައެވެ.