ކޮވިޑް19 އަށް ރާއްޖެއިން އިތުރު ދެ މީހަކު ޕޮޒިޓިވްވެއްޖެއެވެ.
މިކަން އެނގިގެން ދިޔައީ ހެލްތު މިނިސްޓްރީން ކޮވިޑް19 އާއި ގުޅިގެން ބަލަހައްޓަމުން ގެންދާ ޑޭޝް ބޯޑުންނެވެ. އެ ބޯޑުގައި ރެއާއި ޖެހެންދެން ރާއްޖެއިން ޕޮޒިޓިވްވި މީހުންގެ ޖުމްލަ އަދަދު 226ގައި ވީނަމަވެސް މިއަދު ވަނީ އެ އަދަދު 228 އަށް އަރާފައެވެ.
ރާއްޖެއިން އިތުރަށް ޕޮޒިޓިވްވި މި ދެ މީހުންނަކީ ކޮން ގައުމަކަށް ނިސްބަތްވާ ބައެއް ކަމެއް އަދި އެމީހުންގެ އިތުރު ތަފްސީލެއް މިހާތަނަކަށް ނޭނގެއެވެ. އަދި ހެލްތު މިނިސްޓްރީން ވެސް އެކަމާއި ގުޅޭ އިތުރު ތަފްސީލެއް ހާމައެއް ނުކުރެއެވެ.
މި ބައްޔަށް ރާއްޖެއިން ޕޮޒިޓިވްވި މީހުންގެ ތެރެއިން މިހާތަނަށް 17 މީހަކު ވަނީ ބަލިން ރަނގަޅުވެފައެވެ.
ރާއްޖެއިން މި ބައްޔަށް ޕޮޒިޓިވްވާ މީހުންގެ އަދަދު އިތުރުވަމުންދާއިރު، މާލެ ސަރަހައްދު މިވަގުތު އޮތީ 14 ދުވަހުގެ ލޮކްޑައުނެއްގައެވެ.
މާލޭގެ އިތުރުން ރާއްޖޭގެ އެހެން ބައެއް ރަށްތައް ވެސް މިހާރު ވަނީ މޮނީޓަރިންގެ ހާލަތަށް ގެނެސް، ގިނަ ބައެއްގެ ސާމްޕަލްތައް ނެގުމަށް މަސައްކަތް ކުރަމުންނެވެ.