އިންޑިއާ އާއި އައިއެމްއެފުން ރާއްޖެއަށް އެހީވުމަށް ދީފައިވާ ފައިސާގެ ސަބަބުން ބޭރު ފައިސާ ލިބުމަށް ފަސޭހަ ވާނެ ކަމަށް މަރުކަޒީ ބޭންކް (އެމްއެމްއޭ) އިން ބުނެފިއެވެ.
އެމްއެމްއޭ އިން ނެރެފައިވާ ބަޔާނެއްގައި ބުނީ ކޮވިޑް19 ގެ ސަބަބުން ރާއްޖޭގެ އިގްތިސޯދު ކުރިމަތިވަމުންދާ ނޭދެވޭ އަސަރުތައް ކުޑަކުރުމަށް އެ ވަގުތަކު އަޅަންޖެހޭ ފިޔަވަޅުތައް އަޅަމުންދާނެ ކަމަށެވެ. އެގޮތުން ކުރަން ނިންމި އެއް ކަމަކީ އެމްއެމްއޭ އާއި ރިޒާވް ބޭންކް އޮފް އިންޑިއާއާ ދެމެދު ވެފައިވާ 400 ޔޫއެސް ޑޮލަރު ކަރަންސީ ސްވޮޕް އެއްބަސްވުމުގެ ދަށުން ޔޫއެސް ޑޮލަރު ހޯދުން ކަމަށެވެ.
އިންޑިއާ އިން އިއްޔެ ވަނީ ސްވޮޕްގެ ގޮތުގައި 150 މިލިއަން ޑޮލަރު ދޭން ނިންމައިފައެވެ. އައިއެމްއެފް އިން ވަނީ 28.9 މިލިއަން އެމެރިކާ ޑޮލަރުވެސް ދޫކުރުމަށް ވަނީ ނިންމާފައިވާ ކަމަށް އެމްއެމްއޭ އިން ވަނީ ބުނެފައެވެ.
މިިދިޔަ މަހާއި ހަމައަށް ރާއްޖޭގެ ރަސްމީ ރިޒާވް ނުވަތަ ގްރޮސް އިންޓަނޭޝަނަލް ރިޒާވް ހުރީ 741.4 މިލިއަން ޔޫއެސް ޑޮލަރުގައެވެ. އެހެންނަމަވެސް މިމަހުގެ 27ގެ ނިޔަލަށް ރަސްމީ ރިޒާވްއަކީ 882.6 މިލިއަން ޔޫއެސް ޑޮލަރެވެ.