އައްޑޫގައި ދިރިއުޅޭ ބިދޭސީންގެ މައުލޫމާތު ހޯދަނީ

އައްޑޫ ސިޓީގެ އެކި ރަށްތަކުގައި ދިރިއުޅެމުން އަންނަ ބިދޭސީންގެ މައުލޫމާތު ދިނުމަށް ރަށްތަކުގެ ޓާސްކު ފޯސްއިން އަންގައިފިއެވެ.

ރަށްތަކުގެ ޓާސްކު ފޯސް ތަކުން އަންގާފައިވާ ގޮތުގައި އެކި ރަށްތަކުގައި ބިދޭސީން ދިރިއުޅެމުން އަންނަ ތަންތަނާއި، އަދި ބިދޭސީންނާއި ގުޅޭ މައުލޫމާތު ހިއްސާ ކުރުމަށްވަނީ އެދިފައެވެ.

އަދި މިކަމުގައި އާއްމު ރައްޔިތުންގެ އެހީއަށް ޓާސްކް ފޯސްތަކުން ވަނީ އެދިފައެވެ.

1- ހިތަދޫ ޓާސްކު ފޯސް ޑެސްކު- 7789042

2- މަރަދޫ ޓާސްކު ފޯސް ޑެސްކު- 7789043

3- މަރަދޫފޭދޫ ޓާސްކު ފޯސް ޑެސްކު- 7789045

4- ފޭދޫ ޓާސްކު ފޯސް ޑެސްކު- 7789044

5- ހުޅުދޫ ޓާސްކު ފޯސް ޑެސްކު- 7789046

6- މީދޫ ޓާސްކު ފޯސް ޑެސްކު- 7789041

7- އައްޑޫ ސިޓީ އިމަޖެންސީ އޮޕަރޭޝަން ސެންޓަރ- 6888011

ބިދޭސީންގެ މައުލޫމާތު އެއްކުރާ އިރު އައްޑޫއަކީ ގަވާއިދާއި ހިލާފަށް ގިނަ އަދަދެއްގެ ބިދޭސީން ދިރިއުޅެމުން އަންނަ ތަނެކެވެ.

މާލޭގައި ކޮވިޑް-19 ހަލުވި ކަމާއި އެކު ފެތުރެމުން އަންނަ އިރު ގިނަ އަދަދެއްގެ ބިދޭސީން ވަނީ މި ބައްޔަށް ޕޮޒިޓިވްވެފައެެވެ. އަދި ބިދޭސީންގެ ތެރޭގައި ބަލި އަންނަނީ ހަލުވި ކަމާއި އެކު ފެތުރެމުންނެވެ.