މަގުމައްޗަށް ވެއްޓިފައި އޮތް އަންހެނަކު ފުލުހުންގެ އެހީތެރިކަމާއި އެކުގައި ހޮސްޕިޓަލަށް ގެންގޮސްދީފިއެވެ.
އެމީހާ އަކީ 18 އަހަރުގެ އަންހެނެއް ކަމަށާއި އެ މީހާ ވެއްޓިފައި އޮއްވާ ފެނުނީ ރޭ 3:30 އެހާކަށްހާއިރު ކަމަށް ފުލުހުން ބުންޏެވެ.
އެމީހާ ވެއްޓިފައި އޮތް ސަރަހައްދަށް ގޮސް ފުލުހުންގެ ވެހިކަލް އަކަށް އަރުވައިގެން އައިޖީއެމްއެޗަށް ގެންގޮސްފައިވާ ކަމަށާއި ހޮސްޕިޓަލަށް ގެންދެވުނުއިރު 4:08 ހާއިރު ވެފައިވާ ކަމަށް ފުލުހުން ބުންޏެވެ.
ހޮސްޕިޓަލަށް ގެންދިޔައިރު ވެސް އޭނާގެ އެއްވެސް ހަރަކާތެއް ނެތެވެ. ނަމަވެސް 4:31 ހާއިރު އެމީހާ ހޭ އަރާފައިވާ ކަމަށާއި އެކަމާއި ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.