ސައުދީ ސަރުކާރާއި ޔޫއޭއީގެ ހަލީފާ ބިން ޒައިދު އަލް އަހުޔާން ފައުންޑޭޝަން ދިވެހި ރާއްޖެއަށް ހަދިޔާކޮށްފައިވާ ކަދުރާއި ކައުންސިލްތަކުން ހަވާލުވުމަށް އިސްލާމިކް މިނިސްޓްރީން ކައުންސިލްތަކަށް އަންގައިފިއެވެ.
އިސްލާމިކް މިނިސްޓްރީން ކޮށްފައިވާ އިއްލާނެއްގައި ބުނެފައިވަނީ ކައުންސިލް ތަކުން ކަދުރުތަކާއި ހަވާލުވާނެ މީހަކު ހަމަޖެއްސުމަށްފަހު 11 މޭއި 2020 ވާ ހޯމަ ދުވަހު ހަވީރު 5 ޖެހުމުގެ ކުރިން އިސްލާމިކް މިނިސްޓްރީއަށް ފޮނުވައިދިނުމަށެވެ. އަދި މި މުއްދަތުގގެ ފަހުން ނުގެންދަވައި ހުރި ކަދުރުތައް ހާލުގައި ޖެހިފައިވާ ބިދޭސީން ބައިތިއްބާފައިވާ ފެސިލިޓީތަކަށް ދިނުމަށް ނިންމާފައިވާ ކަމަށެވެ.
އިސްލާމިކް މިނިސްޓްރީން ބުނީ ރާއްޖެއަށް ކާބޯތަކެތި ލިބުން ދަތިވެފައިވާ މިފަދަ ދަނޑިވަޅެއްގައި މި މުއްދަތުގެ ތެރޭގައި ވީހާވެސް ގިނަ ކައުންސިލްތަކުން ކަދުރާ ޙަވާލުވެ، ރައްޔިތުންނަށް ކަދުރު ފޯރުކޮށްދިނުމަކީ އެ މިނިސްޓްރީން އެދޭ ކަމެއްް ކަމަށެވެ. އަދި މިކަން ކައުންސިލް މެދުވެރިކޮށް ހަމަޖެއްސެވުމަށް އެދިވަޑައިގަންވާކަމުގައެވެ.