ސިއްޙީ މަސައްކަތްތެރިންނަށް ޚައްސަކޮށްގެން ފަރުމާ ކުރެވިފައިވާ ބޫޓޫތަކެއް، އެމެރިކާގެ އެކި ހިސާބުތަކުގައި މަސައްކަތް ކުރާ ސިއްހީ މަސައްކަތްތެރިންނާއި، ސިއްހީ ސިސްޓަމްތަކާއި ހޮސްޕިޓަލްތަކަށް ހަދިޔާ ކުރުމަށް ނައިކީ އިން ނިންމައިފިއެވެ.
ހޯމަ ދުވަހު އެކުންފުނިން ނެރެފައިވާ ބަޔާނެއްގައި ވަނީ ސިއްޙީ މަސައްކަތްތެރިންނަށް ދޭން ހަމަޖެހިފައިވަނީ 'އެއަރ ޒޫމް ޕްލަސް' ނަމަކަށް ކިޔާ ބޫޓު ކަމަށާއި، 2019 ވަނަ އަހަރުގެ ނޮވެމްބަރ މަހު ތަޢާރަފު ކުރެވުނު މިބޫޓަކީ ކޮންމެ ދުވަހެއްގެ ވެސް "ހީރޯ" އިން ކަމަށްވާ ސިއްޙީ ޚިދުމަތްތެރި "އެތުލީޓުންނަށް" ޚާއްސަ ކުރެވިގެން ތައްޔާރު ކުރެވުނު ފުރަތަމަ ބޫޓު ކަމަށެވެ.
އެގޮތުން އެކުންފުނިން ވަނީ މި ބޫޓު ތައްޔާރު ކުރުމަށް އެކުންފުނިންވަނީ އޮރެގަން ގެ ޕޯރޓްލޭންޑްގައި ހުންނަ އޯއެޗްއެސްޔޫ ޑޮއަރންބެކަރ ޗިލްޑްރެންސް ހޮސްޕިޓަލަަށް ގޮސް ސިއްޙީ ދާއިރާގައި މަސައްކަތް ކުރާ ފަރާތްތަކުގެ ދިރާސާއެއް ކޮށްފައެވެ. އެގޮތުން ސިއްޙީ މަސައްކަތްތެރިން ކޮޅަށް ގިނަ ވަގުތު ތިބެން ޖެހޭ ކަމާއި، ފަޔަށް އެކި ކަހަލަ ދިޔާ ތަކެތި އެޅުން ގާތް ކަމުގައި ފާހަގަކޮށް، މިކަން ވަނީ ބޫޓު ހެދުމުގައި މިކަން ކަމަށް ބަލައި، ދިގު ޝިފްޓު ތަކުގައި ވީހާވެސް ފަސޭހަ ވާނޭހެން ބޫޓު ފަރުމާ ކޮށްފައެވެ.
ނައިކީ އިން ވަނީ އެންމެ އެކަށީގެންވާ ގޮތަށް ހަދިޔާ ކުރެވޭ ތަކެތި ބެހުމުގައި މަސައްކަތް ކުރާ ޖަމްޢިއްޔާއެއް ކަމަށްވާ ގުޑް360 އާއި ގުޅިގެން ޝިކާގޯ، ލޮސް އެންޖަލެސް، މެމްފިސް، ނިއު ޔޯކު ސިޓީ އަދި ވެޓެރަންސް ހެލްތު އެޑްމިނިސްޓްރޭޝަނުގެ އެކި މަސައްކަތްތެރިންނަށް މިބޫޓުތަށް ބެހުމުގެ މަސައްކަތް ފަށާފައެވެ.
އަދި އެކުންފުނިން ބުނާ ގޮތުގައި ލޮސް އެންޖަލަސް އާއި ނިއުޔޯކުގައި މަސައްކަތް ކުރާ ސިއްޙީ މަސައްކަތްތެރިންނަށް 95،000 މައިލްޑް ކޮމްޕްރެޝަން ފުޓުބޯޅަ ސްޓާކީނުވެސް ލިބިގެންދާނެއެވެ.
މީގެ އިތުރަށް ނައިކީއިން ނެރުނު ބަޔާނުގައި ވާ ގޮތުން، "މިކަން ކުރިއަށް ދާނީ ސިއްޙީ ހިދުމަތްތެރިންނަށް ހިތްވަރުގެ މެސެޖުތަކެއްވެސް ދެވޭ ގޮތަށް. އެއް އެތުލީޓުން އަނެއް އެތުލީޓަށް، ސިއްޙީ ިދުމަތްތެރިންގެ ނަފްސާނީ އަދި ޖިސްމާނީ ހިތްވަރުގަދަކަން ނައިކީގެ އެތުލީޓުން ޤަބޫލުކުރޭ" އެވެ.
ނައިކީއިން ބުނާ ގޮތުގައި ޔޫރަޕުގެ ބާސެލޯނާ، ބަރލިން، ލަނޑަން، މިލާން، ޕެރިސް އަދި ބެލްޖިއަމްގެ ހޮސްޕިޓަލުތަކަށްވެސް އިތުރު 2500 ބޫޓު ލިބިގެން ދާނެއެވެ.
މީގެ އިތުުރުންވެސް ނައިކީގެ ޓީމު ތަކުން ވަނީ ފުލް ފޭސް ޝީލްޑާއި ޕަވަރޑް، އެއަރ ޕިއުރިފައިއިން ރެސްޕިރޭޓަރ (ޕީއޭޕީއާރު) ލެނސްސުތަސް ހަދައި ސިއްހީ މަސައްކަތްތެރިންނަށް ހަދިޔާ ކުރުމުގައި އެހީވެފައެވެ. މިހާތަނަށް ނައިކީ އަދި ނައިކީ ފައުންޑޭޝަނުންވަނީ ކޯވިޑް-19ގެ އެކި ކަންކަމުގައި އެހީވުމަށް 25 މިލިއަން ޑޮލަރު ޚާއްސަކޮށްފައެވެ.