ފައިނަލަށް ޒިލޯން އާއި ޒިލޮޓް

ކުރުގާ ގޯދިއްޔާ ފުޓްސަލްގެ ފައިނަލަށް މަރަދޫގެ ޒިލޯން އާއި ޒިލޮޓް ގޮސްފި އެވެ.

ރޭ ކުޅުނު މުބާރާތުގެ ސެމީފައިނަލްގެ ފުރަތަމަ މެޗް ޒިލޮޓް ކާމިޔާބް ކުރީ މިދިޔަ އަހަރުގެ ޗެމްޕިއަން ފޭދޫ ޔޫތު ކޮމިއުނިޓީ (އެފްވައިސީ) 4-1 ލަނޑުން ބަލިކޮށްގެންނެވެ.

ރޭގެ ސެމީގެ ދެވަނަ މެޗް ޒިލޯންއިން ކާމިޔާބް ކުރީ މުބާރާތުގެ އެއް ފޭވަރިޓް ޝަންގްރިއްލާ ޕެނަލްޓީ ޝޫޓް އައުޓުން ބަލިކޮށްގެންނެވެ. މެޗްގެ ފުރިހަމަ ވަގުތު ހަމަވި އިރު ދެ ޓީމް 2-2 ލަނޑުން އެއްވަރު ވުމުން ނަތީޖާ ނެރުމަށް ޖެހި ޕެނަލްޓީއިން ޒިލޯން މޮޅުވީ 5-6 ލަނޑުންނެވެ.

މުބާރާތުގެ ފައިނަލް މެޗް އޮންނާނީ މިމަހުގެ 7 ވަނަ ދުވަހުގެ ރެއެވެ. ޗެމްޕިއަން ޓީމަށް 50،000 ރުފިޔާ ހުށަހަޅާފައިވާ އިރު މިއީ އަތޮޅުތެރޭގެ އެންމެ ގިނަ މީހުން ބަލާ ފުޓްސަލް މުބާރާތެވެ.