ކުރީގެ ރައީސް މުޙައްމަދު އަމީންގެ ދަރިކަނބަލުން އައްނަބީލާ އަމީނާ މުޙައްމަދު އަމީން އަވަހާރަވުމާއި ގުޅިގެން އެކަމަނާގެ ހަނދާނުގައި ތައުޒިޔާގެ ދަފުތަރެއް ހުޅުވުމަށް ރައްޔިތުން މަޖިލީހުން ނިންމައިފިއެވެ.
ރައްޔިތުންގެ މަޖިލިހުގެ ޖަލްސާގައި މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ ދިވެހި ދައުލަތަށާއި ރައްޔިތުންގެ މަޖިލީހަށް އަމީނާ ކުރެއްވި ހިދުމަތްތަކުގެ އަގު ވަޒަން ކުރުމުގެ ގޮތުން އެކަމަނާގެ ހަނދާނުގައި މަޖިލީހުގައި ތައުޒިޔާގެ ފޮތެއް ބާއްވަވާނެ ކަމަށެވެ. އެހެންނަމަވެސް ކޮވިޑް19 ގެ ސަބަބުން މިހާރު އޮތް ހާލަތުގެ ގޮތުން އެ ފޮތުގައި ސޮއި ކުރުން އޮންނާނީ ވާޗުއަލް ކޮށް ކަމަށް ނަޝީދު ވިދާޅުވިއެވެ.
އަމީނާ އަވަހާރަވިއިރު އުޅުއްވީ އާލަސްކަންފުޅާއެވެ. އަމީނާ އަވަހާރަވި އިރު އުމުރުފުޅަކީ 85 އަހަރެވެ.
އަމީނާ އަވަހާރަވީ އިރު ދުނިޔޭގައި ފިރިކަލަކާއި، 4 ބޭފުޅުން އެބަތިއްބެވެ. އަމީނާ ވަނީ ރައްޔިތުންމަޖިލީހުގެ މެންބަރުކަން ވެސް ކުރައްވާފައެވެ.