ކޮވިޑް19 އާ ގުޅިގެން އިންޑިއާއިން އެކްސްޕޯޓު ކުރުން މަނާ ކޮށްފައިވާ ތަކެތި ރާއްޖެއަށް އެކްސްޕޯޓު ކުރުމުގައި މައާފު ކޮށްފިއެވެ.
އިންޑިއާ އިންވެސް ކޮވިޑް19 ފެނުމާއި ގުޅިގެން އެގައުމުން ވަނީ ކޮވިޑް އަށް ފަރުވާ ދިނުމަށް ބޭނުންކުރާ ބޭސް އެކްސްޕޯޓު ކުރުން މަނާ ކޮށްފައެވެ.
ފޮރިން މިނިސްޓްރީން ބުނީ ދިވެހިރާއްޖޭއިން ކޮވިޑް19 ބައްޔާ ދެކޮޅަށް ކުރާ ހަނގުރާމައިގައި ބޭނުންކުރުމަށް ކޮންހެން ބޭނުންވާ ޓެސްޓް ކިޓްތަކާއި، ރީޖެންޓްސް އަދި ވައިރަލް ޓްރާންސްޕޯޓް މީޑިއަމްތަށް ފަސޭހައިން ލިބޭނޭގޮތް ކަށަވަރު ކޮށްދިނުމަށް ޓަކައި، އިންޑިއާ ސަރުކާރުން އެ ތަކެތި އެކްސްޕޯޓް ކުރުން ބާތިލްކުރެވިފައިވާ ކުރުން މައާފް ކޮށްދީފައިވާ ކަމަށެވެ.
އިސްވެ ދެންނެވުނު ތަކެތި މިހަފްތާ ތެރޭގައި ރާއްޖެ އަންނާނެއެވެ. ރާއްޖެއަށް ބޭނުންވެއްޖެ ކޮންމެ ހާލަތެއްގައި އިންޑިއާއިން ވެދޭ އެހީތެރިކަން ފާހަގަކޮށް ރާއްޖޭގެ ފޮރިން މިނިސްޓްރީންވަީ އެކަމަށްޓަކައި ޝުކުރުއަދާކުރައްވާފައެވެ. އެގޮތުން އިންޑިއާއަކީ، އަބަދުމެ ދިވެހިރާއްޖެއާއި އެކުގައި، އަތުގުޅާލައިގެން މަސައްކަތް ކުރުމުގައި ދެމިއޮންނަ ގައުމެއްގެ ގޮތުގައި އެ މިނިސްޓްރީއިން ވަނީ ފާހަގަކުރައްވާފައެވެ.
އިންޑިއާއިން މީގެ ކުރިންވެސް ވަނީ ރާއްޖެއަށް ގިނަ އެހީތަކެއް ފޯރުކޮށްދީފައެވެ. އެގޮތުން އެސްޓީއޯ އިން އިންޑިއާގެ އެކި ސަރަހައްދުތަކުން ގަނެފައިވާ ބޭސްތައް ރާއްޖެ ގެނެވޭނެ ގޮތެއް ނެތިފައި ވަނިކޮށް އިންޑިއާގެ އަސްކަރިއްޔާގެ އެހީތެރިކަމާއި އެކު ވަނީ އެ ބޭސްތައް ވެސް ރާއްޖެ އަށް ގެނެސްދީފައެވެ.