ހެރެތެރެ ރިސޯޓުގައި ކަރަންޓީނު ކޮށްފައިވަނިކޮށް ރޭ ފިލި 5 މީހުންގެ ބަންދަށް 15 ދުވަސް ޖަހައިފިއެވެ.
ހެރެތެރެ ކަރަންޓީނު ފެސިލިޓީން ފިލި 5 މީހުން ރޭ ފުލުހުން ވަނީ ހޯދައި ހައްޔަރުކޮށްފައެވެ. މި 5 މީހުންގެ ބަންދަށް 15 ދުވަސް ޖެހީ ބަންދާއި މެދު ގޮތެއް ނިންމުމަށް މިއަދު ހުޅުދޫ މެޖިސްޓްރޭޓް ކޯޓަށް ގެންދިއުމުންނެވެ.
އެނގިފައިވާ ގޮތުގައި މި މީހުން ހެރެތެރެއިން ފިލައިގެން ގޮސްފައިވަނީ ހުޅުމީދޫއަށެވެ.
މި މީހުންނަކީ ޖަލުން ރައީސް އިބްރާހިމް މުހައްމަދު ސޯލިހު މައާފުދީ މިނިވަންކޮށްފައިވާ މީހުންނެވެ. ފިލި މީހުންގެ ތެރޭގައި ހިމެނެނީ ހިތަދޫ، ހުޅުދޫ އަދި ފުވައްމުލަކު މީހުންނެވެ.