Last Updated: November 27, 01:11
Tuesday, November 26, 2024
ޚަބަރު

ވެމްކޯގެ މުވައްޒަފަކު ކޮވިޑް19 އަށް ޕޮޒިޓިވްވެއްޖެ

ކޮވިޑް19 އަށް ވެމްކޯގެ މުވައްޒަފަކުވެސް ޕޮޒިޓިވްވެއްޖެއެވެ.

"އައްޑޫ ލައިވް"އާ ވާހަކަދައްކަވަމުން ވެމްކޯގެ އޮފިޝަލަކު މިއަދު ވިދާޅުވީ ޕޮޒިޓިވްވީ ވެމްކޯގެ ކޯލް ސެންޓަރުގައި މަސައްކަތް ކުރާ މުވައްޒަފެކެވެ. އޮފިޝަލް ވިދާޅުވީ ކިރިޔާ ވެސް ބަލީގެ އަލާމާތެއް ފެނިއްޖެ ނަމަ މަސައްކަތަށް ނުނިކުތުމަށް އަންގާފައިވާ ކަމަށެވެ. އަދި އެ މުވައްޒަފު ކޮވިޑް19 އަށް ޕޮޒިޓިވްވުމާއި އެކު އެ ކުންފުނީގެ ހެޑް އޮފީސް ވެސް ޑިސް އިންފެކްޓު ކުރުމަށް އަންގާފައިވާ ކަމަށް އޭނާ ވިދާޅުވިއެވެ.

އޭނާ ވިދާޅުވީ މިހާރު ކުރަމުންދާ މަސައްކަތަކީ ޕޮޒިޓިވްވި މުވައްޒަފާއި ކޮންޓެކްޓުވި ނުވަތަ ބައްދަލުވި އިތުރު މުވައްޒަފުން ހޯދުމުގެ މަސައްކަތް ކަމަށެވެ. އެކުންފުނިން ވަނީ ކޯލް ސެންޓަރުގެ ހުރިހާ މުވައްޒަފުން ޓެސްޓު ކުރުމަށް ނިންމާފައެވެ.

އިއްޔެ އެކަނިވެސް ރާއްޖެއިން 96 މީހަކަށް ވަނީ ކޮވިޑް ޖެހިފައެވެ. އެއާއި އެކު މުޅި ރާއްޖެއިން ކޮވިޑް19 އަށް ޕޮޒިޓިވްވި މީހުންގެ ޖުމްލަ އަދަދު ވަނީ 744 އަށް އަރާފައެވެ.