ރާއްޖެއިން އިތުރު 13 މީހަކު ކޮވިޑް19 އަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ 8 ދިވެހިންނާއި ބަންގްލަދޭޝް އަށް ނިސްބަތްވާ ފަސް މީހަކު ކޮވިޑް19 އަށް ޕޮޒިޓިވްވެފައިވާ ކަމަށެވެ.
މި 13 މީހުންނާއެކު ރާއްޖެއިން ޕޮޒިޓިވްވި މީހުންގެ އަދަދު މިހާރު ވަނީ 968 އަށް އަރާފައެވެ.
ރާއްޖެއިން ބައްޔަށް ޕޮޒިޓިވްވި މީހުންގެ ތެރެއިން 40 މީހުން ބަލިން ރަނގަޅުވެފައިވާއިރު، ތިން މީހަކު ވަނީ މަރުވެފައެވެ. އޭގެތެރޭގައި ހިމެނެނީ ދެ ދިވެއްސަކާއި ބިދޭސީ އެކެވެ.
ކޯވިޑް-19އަށް ޓެސްޓްކުރުމަށް ރާއްޖެއިން މިހާތަނަށް 13،084 ސާމްޕަލެއް ވަނީ ނަގާފައެވެ. މިވަގުތު އައިސޮލޭޝަން ފެސިލިޓީސްތަކުގައި 909 މީހަކު އެބަތިއްބެވެ. އަދި ކަރަންޓީން ފެސިލިޓީތަކުގައި 1،403 މީހަކު ތިބިކަމަށްވެސް ނޭޝަނަލް އެމެޖެންސީ އޮޕަރޭޝަން ސެންޓަރުން ވިދާޅުވެއެވެ.