އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް)ގެ ކިޑްނީ ޑައިލެސިސް ޑިޕާޓުމަންޓަށް ފަރުވާއަށް ދިޔަ މީހަކު ކޮވިޑް-19 އަށް ޕޮޒިޓިވްވެއްޖެއެވެ.
"އައްޑޫލައިވް"އަށް އެނގިފައިވާ ގޮތުގައި އެމީހާ ކޮވިޑް-19އަށް ޕޮޒިޓިވްވިކަން އެނގިފައިވަނީ އިއްޔެއެވެ. އަދި ބަލިމީހާ ކޮވިޑް-19 އަށް ޕޮޒިޓިވްވެފައިވާ ކަމަށް އެ ޑިޕާޓުމަންޓުގެ ނަރުހުންނަށްވަނީ އަންގާފައެވެ.
އެންއޯސީގެ ތަރުޖަމާނު މަބްރޫކު އަޒީޒު މިރޭ ވިދާޅުވީ އައިޖީއެމްއެޗަށް ކިޑްނީ ޑައިލިސިސް އަށް ދިޔަ މީހަކު ކޮވިޑް-19 އަށް ޕޮޒިޓިވްވެފައިވާ ކަމަށެވެ. އަދި ބަލި މީހާއަށް ފަރުވާދިން ނަރުހުން ތިބީ ޕީޕީއީގައި ކަމަށް އައިޖީއެމްއެޗުން މައުލޫމާތުދީފައިވާ ކަމަށެވެ.
ކޮވިޑް-19 އަށް މިހާތަނަށް 1020 މީހުން ރާއްޖެއިން ޕޮޒިޓިވްވެފައިވާ އިރު މި ބަލީގައި 4 މީހަކު ވަނީ މަރުވެފައެވެ. މީގެ ތެރޭގައި ދެމަފިރިއަކު ހިމެނެއެވެ.