ގަވާޢިދާ ހިލާފަށް ރާއްޖޭގައި އުޅެމުން އައި ބަންގްލަދޭޝްގެ 67 މީހަކު މިއަދު އަނބުރާ ގައުމަށް ފޮނުވާލައިފިއެވެ.
މި މީހުން ފޮނުވާލާފައި ވަނީ އިއްޔެގެ ވަގުތެއްގައި ބަންގްލަދޭޝްއިން އައި އަސްކަރީ މަތިންދާ ބޯޓުގައެވެ. އިއްޔެވެސް ރާއްޖޭގައި ގަވާއިދާއި ހިލާފަށް އުޅެމުންދާ 300 އަށްވުރެ ގިނަ މީހުން ވަނީ އެނބުރި ގައުމަށް ފޮނުވާލައިފައެވެ.
އިއްޔެ ބަންގްލަދޭޝް އިން ވަނީ 9 ޓަނުގެ އެހީވެސް ރާއްޖެ އަށް ފޮނުވާފައެވެ.
ރާއްޖޭގައި އުޅެމުންދާ ބަންގްލަދޭޝްގެ ރައްޔިތުންތަކެއް މީގެކުރިން ވެސް ވަނީ އަނބުރާ ގައުމަށް ފޮނުވާލާފައެވެ.
ކޮވިޑް-19 ގެ ނުރައްކާ މާލޭގައި ބޮޑުވެފައިވާއިރު، މިހާތަނަށް ރާއްޖެއިން މި ބައްޔަށް ޕޮޒިޓިވްވި މީހުންގެ ތެރެއިން އެންމެ ގިނައިން ހިމެނެނީ ބަންގްލަދޭޝްގެ މީހުންނެވެ. އެގޮތުން 500 އަށް ވުރެ ގިނަ ބަންގްލަދޭޝްގެ މީހުން ވަނީ މި ބައްޔަށް ރާއްޖެއިން ޕޮޒިޓިވް ވެފައެވެ.