އައްޑޫ ހެރެތެރެ ކަރަންޓީނު ފެސިލިޓީގައި ތިބެ 14 ދުވަސް ފުރިހަމަ ކުރި މީހުންގެ ސާމްޕަލް ނަގައިފިއެވެ.
މިގޮތުން މިއަދާއި ހަމައަށް އެ ފެސިލިޓީގައި 14 ދުވަސް ހަމަކޮށްފައިވާ 87 ފަރާތެއްގެ ސާމްޕަލް ވަނީ މިހާރު ނަގާ ނިމިފައެވެ. އަދި އެ ފެސިލިޓީގައި މަސައްކަތް ކުރާ ނަރުހެއްގެ ސާމްޕަލްވެސް ވަނީ މި ބުރުގައި ނަގާފައެވެ. އައްޑޫ ޓާސްކު ފޯސްއިން މައުލޫމާތު ދޭގޮތުގައި މި ނަރުހުގެ ސާމްޕަލް ނެގުނީ ސަރވެއިލެންސް ސާމްޕަލެއްގެ ގޮތުގައެވެ.
ޓާސްކް ފޯސް އިން އިތުރަށް މައުލޫމާތު ދިން ގޮތުގައި، މިއަދުގެ ހަވީރުގެ ވަގުތެެއްގައި ސާމްޕަލް މާލެއަށް ފޮނުވާލެވޭ ވަރުވާނެއެވެ. އަދި 24 ގަޑިއިރުގެ ތެރޭގައި ސާމްޕަލްތަކުގެ ނަތީޖާ ލިބޭނެ ކަމަށް ލަފާ ކުރެވޭ ކަމަށްވެސް އެފަރާތުން ވަނީ މައުލޫމާތު ދީފައެވެ.
މިއަދު ސާމްޕަލް ނެގުނު ފަރާތްތަށް ކަރަންޓީނުން ދޫކޮށްލެވޭނީ ނެގެޓިވް ނަތީޖާ ކަށަވަރު ކުރެވުމުންނެވެ.
މިއަދާ ހަމައަށް އައި އިރު ހެރެތެރެ ކަރަންޓީނު ފެސިލިޓީގައި ޖުމްލަ 122 މީހުން އެބަ ތިއްބެވެ.