އެމްއެމްޕީއާރުސީގެ މައްސަލަ ބަލަން އެންމެ ބޮޑަށް ބޭނުންވާ ސިޔާސީ ލީޑަރަކީ އެމްޑީޕީގެ ރައީސް އަދި މަޖްލިސްގެ ރައީސް މުހައްމަދު ނަޝީދުކަމަށް މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވިދާޅުވެއްޖެއެވެ.
އިންތި މިފަދައިން ވިދާޅުވެފައިވަނީ އެމްއެމްޕީއާރުސީގެ މައްސަލާގައި ކުރީގެ ރައިސް ޔާމީން އަބްދުލް ގައްޔޫމް އެކަނި ޖަލަށް ލެއްވުމަކީ އިންސާފެއް ކަމަށް ދެކެވަޑައިނުގަންނަވާ ކަމަށް ނަޝީދު ވިދާޅުވެފައިވަނިކޮށެވެ. ނަޝީދު އެމްޑީޕީގެ އިސްފަރާތްތަކެއް ހިމެނޭ ވަޓްސްއަޕް ގްރޫޕަކަށް ފޮނުއްވި މެސެޖެއްގައި ވިދާޅުވީ އެމްޑީޕީ ވެރިކަމަށް އައީ އެމްއެމްޕީއާރުސީގެ ވައްކަން ބަލާނެ ކަމަށް ބުނެ ރައްޔިތުންނަށް ވައުދުވެފައި ކަމަށެވެ. އަދި އެކަން އެގޮތަށް ނުކުރެވޭކަމަށް ނަޝީދު ވަނީ ވިދާޅުވެފައެވެ.
MMPRC ge massala belumah siyaasee meehun ge therein RN ah vure vaki bodah beynunva meeheh alhugandu nudheken.
Ekamah beynunvi konme qaanooneh ves evanee Majilis in 1 aharu kurin faaskohdheefai. Dhen dhigu aiy baanaigen ulhey andhiri faraaiy neygenee. https://t.co/ZDZjOkXNDd
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) May 22, 2020
ނަޝީދުގެ އެވާހަކަފުޅުތަކަށް ބާރު ދެއްވައި އިންތި ވިދާޅުވީ އެކަމަށް ބޭނުންވާ ގާނޫނު މަޖްލިސްއިން މީގެ އެއް އަހަރު ކުރިން ފާސްކޮށްދީފައިވާ ކަމަށެވެ. އަދި "ދޮގު އަތް ބާނައިގެން އުޅޭ އަނދިރި ފަރާތް ނޭނގޭ" ކަމަށް އިންތި ވިދާޅުވިއެވެ.
ރައީސް އިބްރާހިމް މުހައްމަދު ސޯލިހު ވަނީ ދައުލަތުން ހިންގާފައިވާ ހިޔާނާތާއި ވައްކަން ބެލުމަށް ހާއްސަ ރިޔާސީ ކަމިޝަނެއް އުފައްދާފައެވެ. ނަމަވެސް ކަމިޝަނުގެ މަސައްކަތް ކުރިއަށް ނުދާތީ އެމްޑީޕީގެ އިސް ފަރާތްތަކުން ދަނީ ކަންބޮޑުވުން ފާޅު ކުރަމުންނެވެ.