ސ. ހިތަދޫ ޒޯން ސްޓޭޑިއަމްގައި މިއަދު ހެނދުނު ފިތުރު އީދު ނަމާދު ކުރަން ތިއްބައި، މިކަން އިންތިޒާމް ކުރި ހިތަދޫ ނޫރުލް އިސްލާމް ޖަމިއްޔާގެ ރައީސް ޝެއިހް މުހަންމަދު އަނީލްގެ ލެޕްޓޮޕް ވަގަށް ނަގައިފި އެވެ.
މި މައްސަލަ މިހާރު ވަނީ ފުލުހުންނަށް ވެސް ރިޕޯޓްކޮފަ އެވެ.
"އައްޑޫ ލައިވް" އާ ވާހަކަ ދައްކަވަމުން އަނީލް ވިދާޅުވީ ލެޕްޓޮޕް ގެއްލުނުކަން އެނގުނީ ސްޓޭޑިއަމްގެ ސިޑި ބަރީގެ ދަށުގައި ހުންނަ އޮފީސް ބައެއްގެ ގޮތުގައި ބޭނުން ކުރާ ތަނެއްގައި ލެޕްޓޮޕް ޗާޖަރަަށް ޖަހާފައި އިންދާ ކަމަށެވެ.
"ލެޕްޓޮޕުން ތަކުބީރު ގެންނަންވެގެން ޗާޖަަރަށް ޖަހާފައި އަޅުގަނޑު ވެސް ނަމާދަށް ނިކުތީ. ދެން ފަހުން އައިސް ބެލި އިރަކު ނެތް. ލެޕްޓޮޕް ވަގަށް ނައިގެން މީހަކު ދިޔަ ތަން އެ ސްޓޭޑިއަމްގައި އެ ވަގުތު އޮތް ބަސް ޑްރައިވަރަކަށް ފެނިފައިވޭ. އޭނާ ބުނި ގޮތުން ލެޕްޓޮޕް ވަގަށް ނެގީ ނަމާދުގައި ވެސް ބައިވެރި ނުވެ، އެ ސަރަހައްދުގައި ހަރަކާތްތެރި ވަމުން ދިޔަ މީހެއް،" އަނީލް ވިދާޅުވި އެވެ. "އޭނާ ގަމީސްތެރޭގައި އެެއްޗެއް ފޮރުވައިގެން އަދި ފަހުން ޓެކްސީއަކަށް އަރައިގެން ދިޔަ ތަން ބަސް ޑްރައިވަރަށް ފެނިފައިވޭ."
އެނގިފައިވާ ގޮތުގައި އެންމެން ފިތުރު އީދު ނަމާދުގައި ތިއްބައި ލެޕްޓޮޕް ވަގަށް ނަގައިގެން ފިލައިގެން ދިޔައީ މަރަދޫފޭދޫ މީހެކެވެ.