ރާއްޖެއިން އިތުރު 19 މީހަކު ކޮވިޑް19 އަށް ޕޮޒިޓިވްވެއްޖެ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ކޮށްފައިވާ ޓްވީޓެއްގައި ބުނީ ހަތަރު ދިވެހިންނާއި ބަންގްލަދޭޝް 13 މީހުންނާއި އިންޑިއާ އަދި ނޭޕާލް މީހަކު ކޮވިޑް19 އަށް މިއަދު ޕޮޒިޓިވްވެފައިވާ ކަމަށެވެ. މިއާއިއެކު މުޅި ރާއްޖެއިން ކޮވިޑް19 އަށް ޕޮޒިޓިވްވި މީހުންގެ އަދަދު 1،457 އަށް ވަނީ އަރާފައެވެ.
މިހާތަނަށް ރާއްޖެއިން ޕޮޒިޓިވްވި މީހުންގެ ތެރެއިން 750 މީހުންނަކީ ބަންގްލަދޭޝް މީހުންނެވެ. އަދި 511 މީހުންނަކީ ދިވެހިންނެވެ.
ރާއްޖެއިން މި ބަލި ޖެހުނު މީހުންގެ އަދަދު 1،457 އަށް އަރާފައިވާއިރު 232 މީހަކު ވަނީ ބަލިން އެއްކޮށް ރަނގަޅުވެފައެވެ. އަދި ފަސް މީހަކު ވަނީ މިބަލީގައި މަރުވެފައެވެ.