އެމްޑީޕީ އަކީ ސަލާމަތީ ބާރުތަކާއި ދޭތެރޭ ނަފްރަތު އުފެއްދުމުގެ ސަގާފަތެއް ގެންގުޅޭ ބައެއްކަމަށް ނައިފަރު ދާއިރާގެ މެމްބަރު އަހުމަދު ޝިޔާމު ވިދާޅުވެއްޖެއެވެ.
ޝިޔާމު މިރޭ ކުރެއްވި ޓްވީޓެއްގައި ވިދާޅުވީ އެމްޑީޕީ އަކީ ސަލާމަތީ ބާރުތަކާއި ދޭތެރޭ ނަފްރަތު އުފައްދައި އެފަރާތްތަކާއި މެދު އިހްތިރާމު ކުޑަކުރުމުގެ ސަގާފަތެއް ގެންގުޅޭ ބައެއް ކަމަށެވެ. އަދި ޑިފެންސް މިނިސްޓަރ މާރިޔާ އަހުމަދު ދީދީ އަކީ އެކަމުގައި އަރާ ހުންނެވި ބޭފުޅެއްް ކަމަށެވެ.
Rayyithunge hihthakugai salaamathee baaruthakaa dheytherey nafrathu ufahdha ihuthiram kudakuran masakkaiy kurumuge saghafatheh MDP ga ovey. Defence Minister @MariyaDidi akee ekamuga araahunnevi beyfulheh.
ކެޕްޓަން އިހުސާންގެ ވަރުގަދަ ރައްދެއް މާރިޔާއަށް! https://t.co/rzfjPt9daQ
— Ahmed Shiyam (@Shiyamaldives) May 29, 2020
ޝިޔާމު މިފަދައިން ވިދާޅުވި އިރު ޑިފެންސް މިނިސްޓަރ މާރިޔާ އަހުމަދު ދީދީ ވަނީ މިއަދު ސިފައިންނަށް ތައުރިފު ކުރައްވައި ޓްވީޓެއް ކުރައްވާފައެވެ. މާރިޔާ ވިދާޅުވީ ރައީސް ސޯލިހް ވެރިކަމުގެ ހުވާ ކުރައްވާފައި، ސިފައިންނަކީ ރައްޔިތުންގެ އިތުބާރާއި، އިހުތިރާމް ލިބިފައިވާ ބަޔަކަށް ހައްދަވާނެ ކަމަށް ވިދާޅުވި ކަމަށެވެ. އަދި މިއަދު ސިފައިންނާއި ގުޅޭގޮތުން ރައްޔިތުން ހިއްސާ ކުރާ އިހުސާސްތަކުން ރައީސް ގެ މިވައުދު ފުއްދިއްޖެކަމަށް ޤަބޫލު ކުރެވޭ ކަމަށް މާރިޔާ ވިދާޅުވިއެވެ.
Hon. Minister, Sifainneh badhaleh nuvey. “Raiyyithun” neh badhaleh nuvey. Khidhumaiyyves badhaleh nuvey. Badhaluvany eyruge Sarukaarai Opposition. Ebadhalaa eku Sifainnah faalhuga muhaathabukurevey goiyy badhaluvey.
2003-2008: Golha Force
2008-2012: Ganja Force
2012-2018: Baaghee https://t.co/FKZ0eIcIiM— Ali Ihusaan (@ali_ihusaan) May 29, 2020
މާރިޔާގެ ޓްވީޓަށް އެމްއެެންޑީއެފްގެ ކުރީގެ ކެޕްޓަން އަލީ އިހުސާންވެސް ވަނީ ރައްދު ދެއްވާފައެވެ. އިހުސާން މާރިޔާއަށް ރައްދު ދެއްވައި ވިދާޅުވީ ސިފައިން ބަދަލު ނުވާކަމަށެވެ. އަދި ރައްޔިތުންވެސް ބަދަލު ނުވާ ކަމަށާއި، ސިފައިން ދެއްވާ ހިދުމަތްތައްވެސް ބަދަލު ނުވާ ކަމަށެވެ. އިހުސާން ވިދާޅުވި ގޮތުގައި ބަދަލުވަނީ އޭރުގެ ސަރުކާރާއި އޮޕޮޒިޝަން ކަމަށެވެ. އަދި އެ ބަދަލާއި އެކު ސިފައިންނަށް ފާޅުގައި މުހާތަބު ކުރެވޭ ގޮތް ބަދަލުވާ ކަމަށް އިހުސާން ވިދާޅުވިއެވެ.
މާރިޔާ އަކީ އެމްޑީޕީ އިދިކޮޅު ޕާޓީގެ ގޮތުގައި އޮތް އިރު ސިފައިންނަށް އެންމެ ބޮޑަށް ފާޑު ވިދާޅުވި އެއްފަރާތެވެ.