ރާއްޖެއިން ކޮވިޑް19 އަށް އިތުރު 42 މީހަކު ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ ދިވެއްސަކާއި ބަންގްލަދޭޝް 23 މީހަކާއި އިންޑިއާ 13 މީހަކަށް ރާއްޖެއިން ކޮވިޑް ޖެހިފައިވާ ކަމަށެވެ.
މިއާއި އެކު ރާއްޖެއިން ކޮވިޑް19 ޖެހުނު މީހުންގެ ޖުމްލަ އަދަދު ވަނީ 1،633 އަށް އަރާފައެވެ. މިހާތަނަށް ރާއްޖެއިން އެންމެ ގިނައިން ކޮވިޑް ޖެހުނު މީހުންނަކީ ބަންގްލަދޭޝް މީހުންނެވެ. އެގޮތުން މިބައްޔަށް ރާއްޖެއިން ޕޮޒިޓިވްވި މީހުންގެ ތެރެއިން 858 މީހުންނަކީ ބަންގްލަދޭޝް މީހުންނެވެ. ދެވަނަ އަށް އެންމެ ގިނައީ ދިވެހިންނެވެ. ދިވެހިންގެ ތެރެއިން މިބަލި ޖެހިފައިވަނީ 554 މީހުންނެވެ.
މިބަލި ޖެހުނު މީހުންގެ ތެރެއިން 242 މީހަކު ބަލިން ރަނގަޅުވެފައިވާއިރު ފަސް މީހަކު ވަނީ ބަލީގައި ނިޔާވެފައެވެ.