ރާއްޖެއިން ކޮވިޑް19 އަށް ޕޮޒިޓިވްވި މީހުންގެ ތެރެއިން އިތުރު މީހަކު މަރުވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ މިއަދު ހެނދުނު 9:25 ހާއިރު ބަންގްލަދޭޝް އަށް ނިސްބަތްވާ އުމުރުން 38 އަހަރުގެ މީހެއް މަރުވެފައިވާ ކަމަށެވެ.
އެމީހާއަކީ ކޮވިޑް19 ޖެހިފައިވާ މީހުންގެ ތެރެއިން ކްރިޓިކަލް ހާލަތުގައި އޮތް މީހެއް ކަމަށް އެޗްޕީއޭ އިން ބުންޏެވެ. މި މީހާއާ އެކު މިހާތަނަށް 8 މީހަކު ވަނީ މިބަލީގައި ރާއްޖެއިން މަރުވެފައެވެ.
މިހާތަނަށް ރާއްޖެއިން 1883 މީހަކު މި ބައްޔަށް ޕޮޒިޓިވްވެފައިވާއިރު 717 މީހަކު ވަނީ މިބަލިން ރަނގަޅުވެފައެވެ.