ރާއްޖެއިން ކޮވިޑް19 އަށް އިތުރު 13 މީހަކު ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ކޮށްފައިވާ ޓްވީޓެއްގައި ބުނީ މިއަދު ރާއްޖެއިން ހަތް ދިވެއްސަކާއި ބަންގްލަދޭޝް ފަސް މީހުންގެ އިތުރުން އިންޑޮނޭޝިއާ މީހަކު ޕޮޒިޓިވްވެފައިވާ ކަމަށެވެ. މިއާއިއެކު ރާއްޖެއިން މި ބައްޔަށް ޕޮޒިޓިވްވި މީހުންގެ ޖުމްލަ އަދަދު 1916އަށް ވަނީ އަރާފައެވެ.
އަދި ބަލި ޖެހުނު މީހުންގެ ތެރެއިން 98 މީހަކު ބަލިން ރަނގަޅުވެފައިވާ ކަމަށްވެސް އެޗްޕީއޭ އިން ވަނީ ބުނެފައެވެ. މިއާއިއެކު ރާއްޖެއިން މިބައްޔަށް ޕޮޒިޓިވްވި މީހުންގެ ތެރެއިން ބަލި ޖެހި ރަނގަޅުވި މީހުންގެ ޖުމްލަ އަދަދު ވަނީ 925އަށް އަރާފައެވެ.
ރާއްޖެއިން މިހާތަނަށް މި ބައްޔަށް އެންމެ ގިނައިން ޕޮޒިޓިވްވެފައި ވަނީ ރާއްޖޭގައި އުޅޭ ބިދޭސީންންނެވެ. ދެވަނަ އަށް އެންމެ ގިނައިން ޕޮޒިޓިވްވެފައި ވަނީ ދިވެހިންނެވެ.
މިހާތަނަށް ރާއްޖެއިން މިބަލި ޖެހުނު މީހުންގެ ތެރެއިން 8 މީހަކު މަރުވެފައެވެ.