ސްކޫލްތައް ހުޅުވަން އެޑިއުކޭޝަން މިނިސްޓްރީ އާއި ޔުނިސެފް ގުޅިގެން އެޑިއުކޭޝަން ރެސްޕޯންސް ޕްލޭނެއް އެކުލަވާލައި ނެރެފިއެވެ.
އެޑިއުކޭޝަން މިނިސްޓްރީން ނިންމާފައި ވަނީ އަންނަ މަހުގެ އެއްވަނަ ދުވަހުން ފެށިގެން، ކޮވިޑް19 ނެތް ރަށްރަށުގެ ސްކޫލުތައް ހުޅުވާލުމަށް ނިންމާފައެވެ. ނަމަވެސް މާލޭގައި ސްކޫލުތައް ހުޅުވުމަށް އެޑިއުކޭޝަން މިނިސްޓްރީން ނިންމާފައިވަނީ ގްރޭޑް ނުވަޔަކުން މަތީގެ ދަރިވަރުންނަށް އެކަންޏެވެ.
އެޑިއުކޭޝަން މިނިސްޓްރީން ބުނީ، އެޑިޔުކޭޝަން ރެސްޕޯންސް ޕްލޭނެއް ނެރުނީ ތައުލީމީ ދާއިރާއަށް އަދި ހާއްސަކޮށް އެންމެ އެހީ ބޭނުންވާ ކުދިންނަށް އެހީވުމުގެ ގޮތުން ކަމަށެވެ.
– ސްކޫލް މާހައުލުގެ ސަލާމަތް
– އުގަންނައި ދިނުން ނުހުއްޓި ކުރިއަށް ދިއުން
– ސަބަބުތަކާހުރެ ހަވާސާގައި ތިބި ކުދިނަށް އެހީތެރިވުން
– ރައްކާތެރިކަމާއި ދުޅަހެޔޮކަން
– ނުރައްކަލާ ކުރިމަތިލުމުގެ ގާބިލުކަން އިތުރުކޮށް ދާއިރާތަކާއެކު ކުރާ މަސައްކަތް ހަރުދަނާ ކުރުން
މި ޕްލޭންގައި ހިމެނޭ ބައިތައް ތަންފީޒު ކުރަމުން ގެންދާނީ ތިން މަރުހަލާއަކަށް ބަހާލައިގެން ކަމަށް އެޑިއުކޭޝަން މިނިސްޓްރީން ބުނެއެވެ. އެ މިނިސްޓްރީން ބުނީ ތިން ވަނަ މަރުހަލާ ކުރިއަށް ގެންދާނީ ސްކޫލްތައް ހުޅުވުމަށް ފަހު ކަމަށެވެ. ދެވަނަ މަރުހަލާއަކީ ސްކޫލްތައް ހުޅުވައިގެން ކުރީކޮޅުގައި ކަންތައް ކުރިއަށް ދާނޭ ގޮތް ބަލާ މަރުހަލާ ކަމަށް އެޑިއުކޭޝަން މިނިސްޓްރީން ބުނެއެވެ.
އެޑިއުކޭޝަން މިނިސްޓްރީން ވަނީ ސްކޫލުތަކުގައި ރައްކާތެރިކަމުގެ ގިނަ ފިޔަވަޅުތަކެއް އެޅުމަށް ނިންމާފައެވެ.