ވ. ރަކީދޫ ބަނދަރު ހެދުމާއި، ރ. ވަންދޫ ބަނދަރު މަރާމާތުކުރުމުގެ މަސައްކަތް އެމްޓީސީސީން ފަށައިފިއެވެ.
އެމް.ޓީ.ސީ.ސީން ބުނީ، ވ. ރަކީދޫ ބަނދަރު ހެދުމަށް ބޭނުންވާ ސާމާނުތައް މިހާރު އެރަށަށް ގެންގޮސްފައިވާ ކަމަށެވެ. މި މަޝްރޫއުގެ ދަށުން ރަކީދޫ ފަޅުން 5645 ކިއުބިކް މީޓަރުގެ ސަރަޙައްދެއް ފުންކޮށް، 156 މީޓަރު ދިގު ބޭރު ތޮށްޓަކާއި، 164 މީޓަރު ދިގު އެއްގަމު ތޮށްޓެއް ލާނެއެވެ. 74 މީޓަރުގެ ރިވެޓްމަންޓް ޖަހާ، ބަނދަރާއި އިންވެންގެން 429 އަކަ މީޓަރުގެ ޕޭވްމަންޓް މަގެއްވެސް ހަދާނެއެވެ.
އެމްޓީސީސީން ބުނީ ރަކީދޫ ބަނދަރުގެ މަސައްކަތް އޮކްޓޯބަރުމަހުގެ 5 ވަނަ ދުވަހުގެ ކުރިން ނިންމާލެވޭނެ ކަމަށެވެ. މި މަސައްކަތަކީ 185 މިލިއަން ރުފިޔާގެ މަސައްކަތެކެވެ.
ވަންދޫ ބަނދަރުގެ 1870 ކިއުބިކް މީޓަރުގެ ސަރަޙައްދެއް ފުން ކުރުމަށް ވަނީ ހަމަޖެހިފައިވާއިރު 75 މީޓަރުގެ އެއްގަމު ތޮށްޓެއްލާނެއެވެ. މި މަސައްކަތް ކުރުމަށް އެމްޓީސީސީއާއި ހަވާލުކޮށްފައި ވަނީ 5.99 މިލިއަން ރުފިޔާއަށެވެ.