ރާއްޖޭގެ އެންމެ ދެކުނުން އައްޑޫ ސިޓީގައި ފުރަތަމަ ފަހަރަށް ކޮވިޑް-19 އަށް ޓެސްޓު ކޮށްފިއެވެ.
މި މެޝިނުން ދުވާލަކު 100 ޓެސްޓު ހެދޭއިރު، މެޝިނުން ޓެސްޓުތައް ހެދުމަށް ލެބް ޓެކްނޮލޮޖިސްޓަކަށް ތަމްރީނު ވެސް މިހާރު ވަނީ ދީފައެވެ. އައްޑޫ ސިޓީގެ އިކުއިޓޯރިއަލް ހޮސްޕިޓަލު (އޭއީއެޗް) އިން ކޮށްފައިވާ ޓްވީޓެއްގައި ބުނީ ޕީސީއާރް (ބައޯ-ފަޔާ) މެޝިނާ އެކު މިހާރު އެތަނުގެ ލެބޯޓަރީގައި ސާމްޕަލްތައް ޓެސްޓްކުރުމުގެ މަސައްކަތް ފަށާފައިވާ ކަމަށެވެ.
މިއީ މާލެ ފިޔަވާ ރާއްޖޭގެ އެހެން ސަރަހައްދެއްގައި ކޮވިޑް19 އަށް ޓެސްޓު ކުރެވެން ފެށި ފުރަތަމަ ފަހަރެވެ. މާލެ ފިޔަވާ ރާއްޖޭގެ އެންމެ އާބާދީ ބޮޑު އައްޑޫ ސިޓީގައި ކޮވިޑަށް ޓެސްޓު ކުރެވޭނެ ގޮތެއް ނެތުމަކީ މީގެކުރިން ގިނަބައެއްގެ ކަންބޮޑުވުންވެސް އޮތް ކަމެކެވެ. އެ މެޝިނުން ދުވާލަކު 24 ސާމްޕަލްގެ ޓެސްޓު ހެދެއެވެ.
އައްޑޫ ސިޓީގައި މިހާތަނަށް އާއްމުންގެ ތެރެއިން މިބަލި ފެނިފައި ނުވި ނަމަވެސް މާލެއިން އައި މީހަކު ކަރަންޓީންގައި ހުއްޓާ ވަނީ ކޮވިޑަށް ޕޮޒިޓިވްވެފައެވެ. އުމުރުން 65 އަހަރުގެ އެމީހާ ޕޮޒިޓިވްވީ މި މަހުގެ 12ވަނަ ދުވަހުއެވެ.
ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު ވަނީ 2187 އަށް އަރާފައެވެ.