ރައްޔިތުންގެ މަޖިލީހުން ރައްޔިތުންގެ ހައްގުގައި ވަކާލާތު ނުކުރާ ކަމަށް ބުނެ "ނަވާނަވަތް" ޖަމިއްޔާއިން އިންތިޒާމް ކޮށްގެން ބޭއްވި މުޒާހަރާ ފުލުހުން ވަދެ ރޫޅާލައިފިއެވެ.
މަޖިލިސް އިދާރާ ކުރިމަތީ މިއަދު ހެނދުނު ފެށި މުޒާހަރާއަށް ޖާގަ ނުދީ ފުލުހުން ހުއްޓުވާފައިވާއިރު މުޒާހަރާގެ ބައިވެރިން ވަނީ އެ ސަރަހައްދު ދޫކޮށް ހޮޓެލް ޖެން ސަރަހައްދުގައި މުޒާހަރާ ކުރިއަށް ގެންގޮސްފައެވެ.
ނަވާނަވަތް އިން ކުރި މުޒާހަރާ މަޖިލިސް ހޭލެއްވުމަށް ކުރިއިރު މަޖިލީހުގެ ރައީސް، ރައީސް މުހައްމަދު ނަޝީދު ވަނީ މުޒާހަރާ ބައްލަވާލައްވާފައެވެ.
މިއަދުގެ މުޒާހަރާއަކީ ކޮވިޑް-19 އާ ގުޅިގެން ދިވެހި ރައްޔިތުންގެ ވަޒީފާ ގެއްލި އާމްދަނީ ލިބޭނެ ގޮތް ނެތެމުން އަންނަ އިރު ވެސް ސަރުކާރުން އެކަމާ ގުޅިގެން އެދެވޭ ހައްލެއް ހޯދާ ނުދޭތީ ކުރަމުން އަންނަ މުޒާހަރާއެކެވެ.