ސިވިލް ސާވިސް ކޮމިޝަންގެ މެންބަރުކަމުގައި ހުންނެވި ފާތިމަތު އާމިރާ މަގާމުން ވަކި ކުރަން ނުފެންނަ ކަމަށް މިނިވަން މުއައްސަސާތަކާއި ބެހޭ ކޮމެޓީން ނިންމައިފިއެވެ.
މިއަދުގެ މިނިވަން މުއައްސަސާތަކާއި ބެހޭ ކޮމެޓީގައި ކޮމެޓީގެ މުގައްރިރު ކަމުގައި އިންނެވި މީކާއިލް ނަސީމް ވަނީ އާމިރާ އާއި ގުޅިގެން ހުށަހެޅިފައިވާ މައްސަލަ އަށް އާމިރާ ޖަވާބުދާރީ ވެފައިވާ ކަމަށެވެ. އެގޮތުން އޭނާ މަޖިލީހަށް ސިޓީއެއް ފޮނުވާފައިވާ ކަމަށްވެސް އޭނާ ވިދާޅުވިއެވެ. ނަމަވެސް އެ ސިޓީ ކޮމެޓީ އަށް އިއްވާފައެއް ނުވެއެވެ.
އެހެންކަމުން ކޮމެޓީން ވަނީ އާމިރާ ވަކިކުރަން ނުފެންނަ ކަމަށް ނިންމާފައެވެ. އެގޮތަށް ހުށަހެޅީ ހެންވޭރު ދެކުނު ދާއިރާގެ މެމްބަރު ހުސައިން ޝަހީމްއެވެ. އެ ހުށަހެޅުމަށް ތާއީދު ކުރެއްވީ ގަމު ދާއިރާގެ މެމްބަރު މުހައްމަދު ވިސާމްއެވެ. އެ ހުށަހެޅަށް ތާއީދު ކުރައްވާ ނެގި ވޯޓުގައި ހަތް މެންބަރަކު ވޯޓު ދެއްވާފައިވެއެވެ.