ރާއްޖޭހެ އުތުރާއި ދެކުނު ވައިގެ މަގުން ގުޅާލުމުގެ މަސައްކަތް ގައުމީ އެއާލައިން މޯލްޑިވިއަން އިން ފަށައިފިއެވެ. އެގޮތުން މޯލްޑިވިއަން އިން ވަނީ އައްޑޫ ސިޓީ އާއި ކުޅުދުއްފުށި ސިޓީ އާއި ދެމެދު ދަތުރުތައް ފަށަން ތައްޔާރުވެފައެވެ.
އައްޑޫ އާއި ކުޅުދުއްފުއްޓާ ދެމެދު ކުރާ ދަތުުރުގެ އެއްކޮޅު ޓިކެޓުގެ އަގަކީ 1444 ރުފިޔާއެވެ. މި ދަތުރުތައް އޮންނާނީ ކޮންމެ ބުރާސްފަތި ދުވަހެއްގައި ކަމަށް މޯލްޑިވިއަން އިން ބުންޏެވެ. ބޯޓަށް ތެޔޮއަޅަން ވީއައިއޭގައި 20 މިނެޓުގެ ޓްރާންސިޓެއް ހަދާނެއެވެ.
މޯލްޑިވިއަން އިން ބުނީ މިއީ އިކޮނޮމިކް މިނިސްޓްރީގެ އިސްނެގުމަށް ފަށާ ދަތުރުތަކެއް ކަމަށާއި އެގޮތުން މި ދަތުރުތަކުގެ ސަބަބުން އުތުރާއި ދެކުނުގައި އިގްތިސޯދީ ހަރަކާތްތަކެއް ހިންގޭނެ މަގު ފަހިވާނެ ކަމަށް ބުންޏެވެ. މޯލްޑިވިއަން އިން ބުނީ އިތުރު ސަރަހައްދުތައް ގުލާލުމަށްވެސް ދަތުރުތައް ޝެޑިއުލް ކުރާނެ ކަމަށެވެ.
މޯލްޑިވިއަން އިން އަންނަނީ ރާއްޖޭގެ 15 މަންޒިލަކަށް ދަތުރު ކުރަމުންނެވެ.