ކޯޓުތަކުގައި މައްސަލަތައް ލަސްވާ ސަބަބު ޖުޑީޝަލް ސާވިސް ކޮމިޝަން (ޖޭއެސްސީ) އިން ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ކޯޓުތަކަށް ހުށަހެޅޭ މައްސަލަތައް ނުނިމި ދިގުލައިގެން ދިއުމުގައި ފަނޑިޔާރުންގެ ސުލޫކަށް އަސަރުކުރާ ކަމެއް އޮތްތޯ ބެއްލެވުމަށް ފަހު ރައްޔިތުން މަޖިލީހަށް ޖޭއެސްސީން ފޮނުވި ސިޓީގައި ވަނީ އެކި ކޯޓުތަކުން އަމަލުކުރާ ގޮތް ތަފާތު ކަމަށެވެ. އެއް މައްސަލައެއްގައި ދައުލަތުން ހުށަހަޅާ ހެއްކަށް ހެކި ބަސް ދޭން ދިއުމުގެ އަމުރު ނެރެދޭ އިރު ދިފާއުގައި ހުށަހަޅާ ހެކި ކޯޓަށް ހާޒިރުވާން އެންގުމުގެ އަމުރު ނެރެ ނުދިން ފަދަ ކަންކަން ދިމާވާ ކަމަށް އެ ސިޓީގައި ވަނީ ފާހަގަކުރައްވާފައެވެ.
ކޯޓުތަކަށް ހުށަހެޅޭ މައްސަލައެއްގައި އިންސާފު ޤާއިމްކޮށް، ނިޔާ ކަނޑައެޅެނީ އެ ކޯޓުތަކަށް ހުށަހެޅޭ މައްސަލައަކާއި ގުޅިގެން، ހުށަހަޅާ ހެކިންދޭ ހެކިބަހުގެ މައްޗަށް ކަމަށް ޖޭއެސްސީން ބުންޏެވެ.
އެ ސިޓީގައި ޖޭއެސްސީއިން ބުނީ މައްސަލަތައް ދިގުލައިގެން ދަނީ ހެކިބަސް ނެގުމުގައި ކޯޓުތަކުން އަމަލުކުރާ ގޮތުގެ ސަބަބުން ކަމަށެވެ. ހެކިބަސް ދޭން މީހުން ކޯޓަށް ހާޒިރު ނުވާ ހާލަތްތަކުގައި ކޯޓު އަމުރެއްގެ ދަށުން މީހުން ހާޒިރު ކުރެވެން އޮތް ނަމަވެސް ހެކިބަސް ދޭން އުޒުރުވެރިވާ ކަމަށް ބުނުމުން ކޯޓުން އެކަން ބަލައިގަންނަ ކަމަށް ވެސް ޖޭއެސްސީން ބުންޏެވެ.