ދިހަ އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއްގައި މީހަކު ހައްޔަރުކޮށްފިއެވެ.
ފުލުހުން ބުނީ ނޯތް ސެންޓްރަލް ޑިވިޝަންގައި ހިމެނޭ ރަށެއްގައި ދޮންބައްޕަ އަންހެން ކުއްޖާ އަށް ޖިންސީ ގޯނާ ކުރި މައްސަލަ ފުލުހުންނަށް ހުށަހެޅީ ބުދަ ދުވަހު ކަމަށެވެ. އެ މައްސަލަ 57 އަހަރުގެ ފިރިހެނަކު ހައްޔަރުކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނީ ހައްޔަރުކުރި މީހާ އަކީ އަންހެން ކުއްޖާ އަށް ޖިންސީ ގޯނާ ކުރީ އިތުބާރު ކުރެވޭ މަގާމެއްގައި ހުރި މީހެއް ކަމަށެވެ.
މިފަހަކަށް އައިސް ރާއްޖޭގައި މީހުން ރޭޕް ކުރުމާއި ޖިންސީ ގޯނާ ކުރުމުގެ މައްސަލަތައް އިންތިހާ ދަރަޖައަށް ވަނީ އިތުރުވެގެން ގޮސްފައެވެ. އަދި މިކަމުގެ ސަބަބުން ބައެއް އާއްމުން ވަނީ ހިތްހަމަ ނުޖެހި މުޒާހަރާވެސް ކޮށްފައެވެ. އެގޮތުން އިއްޔެވެސް މާލޭގައި ވަނީ މުޒާހަރާ ކޮށްފައެވެ.