ރާއްޖެއިން މިއަދުވެސް ކޮވިޑް19 އަށް 33 މީހަކު ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ 12 ދިވެހިންނާއި 18 ބަންގްލަދޭޝް މީހުންނާއި އިންޑިއާ ތިން މީހަކު މިއަދު ރާއްޖެއިން ކޮވިޑް19 އަށް ޕޮޒިޓިވްވެފައިވާ ކަމަށެވެ. މިއާއިއެކު ރާއްޖެއިން މިހާތަނަށް ޕޮޒިޓިވްވި މީހުންގެ ޖުމްލަ އަދަދު ވަނީ 2468އަށް އަރާފައެވެ.
ބަލި ޖެހިފައިވާ މީހުންގެ ޖުމްލަ އަދަދު 2468 އަށް އަރާފައިވާ އިރު މި ބަލިން ރަނގަޅުވެފައިވާ މީހުންގެ އަދަދު ވަނީ 2049 އަށް އަރާފައެވެ.
ރާއްޖެއިން މިބަލީގައި މިހާތަނަށް 10 މީހަކު ވަނީ މަރުވެފައެވެ.