ރާއްޖެއިން މިއަދުވެސް 23 މީހަކު ކޮވިޑް19 އަށް ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ކޮށްފައިވާ ޓްވީޓެއްގައި ބުނީ މިއަދުގެ އިރުއޮއްސި 18:00 އާއި ހަމައަށް ރާއްޖެއިން 16 ދިވެއްސަކަށާއި ބަންގްލަދޭޝް ހަތް މީހަކަށް ކޮވިޑް19 ޖެހިފައިވާ ކަމަށެވެ. މިއާއި އެކު ރާއްޖެއިން މިބައްޔަށް ޕޮޒިޓިވްވި މީހުންގެ ޖުމްލަ އަދަދު މިހާރު ވަނީ 2491އަށް އަރާފައެވެ.
އެންމެ ފަހުގެ ތަފާސް ހިސާބުތައް ދައްކާ ގޮތުގައި ރާއްޖެއިން މި ބައްޔަށް ޕޮޒިޓިވްވި މީހުންގެ ތެރެއިން މިއަދުގެ އިރިއޮއްސި 18:00 އާއި ހަމައަށް 64 މީހަކު ވަނީ ބަލިންވެސް ރަނގަޅުވެފައެވެ. މިއާއިއެކު ރާއްޖެއިން މި ބަލިން ރަނގަޅުވި މީހުންގެ އަދަދު 2113އަށް ވަނީ އަރާފައެވެ.
މިހާރު މި ބައްޔަށް ފަރުވާ ދެމުން ދަނީ 361 މީހަކަށެވެ. މިހާތަނަށް ރާއްޖެއިން މި ބަލީގައި 12 މީހަކު ވަނީ މަރުވެފައެވެ.